"گجرات فائلس :پسِ پردہ حقائق کا انکشاف" اردو میں منظر عام پر

مشہور صحافی رعنا ایوب کی کتاب "گجرات فائلس :پسِ پردہ حقائق کا انکشاف" اب اردو میں بھی دستیاب ہے۔ اس کتاب میں ان معاملات کے سنسنی خیز انکشافات ہیں جو نریندر مودی اور امت شاہ کے عروج اور ان کے گجرات سے دہلی تک کے اقتدار کے سفر کے متوازی چلتے ہیں۔ ریاست کے پس پردہ سچ کو ان لوگوں کی زبانی بے نقاب کیا گیا ہے جن پر تفتیشی کمیشنوں کو بیان دیتے وقت نسیان طاری ہوگیا تھا۔ یہ باتیں اسٹنگ آپریشن کے دوران خفیہ طور پر ٹیپ کی گئیں ویڈیوز میں میں محفوظ ہیں جو بہت سے راز افشا کرتے ہیں۔ کتاب کی مصنفہ تہلکہ میں ایڈیٹر رہ چکی ہیں۔ اپنی بیباک تفت یشی اور سیاسی رپورٹنگ کے باعث رعنا ایوب ملک کی ایک اہم آواز تسلیم کی جاتی ہیں۔گجرات فائلس رعنا ایوب کے آٹھ ماہ تک چلنے والے انڈر کور آپریشن کی روداد ہے جس میں انہوں نے گجرات کے فسادات، فرضی انکاؤنٹروں اور ریاستی وزیر داخلہ ہرین پانڈیا کے قتل کے تعلق سے چونکادینے والے انکشافات کیے ہیں۔ رعنا نے امریکن فلم انسٹی ٹیوٹ کنزرویٹری کی فلم ساز "میتھلی تیاگی" کی حیثیت سے گجرات کے ایسے اعلی لیڈروں، افسروں اور اعلیٰ پولیس اہل کاروں سے ملاقاتیں کیں جو2001سے 2010 کے دوران گجرات میں کلیدی عہدوں پر فائز تھے۔ اس اسٹنگ آپریشن کے مندرجات ریاست اور اس کے اہل کاروں کے انسانیت کے خلاف جرائم میں ملوث ہونے کی شہادت دیتے ہیں۔ تہلکہ میگزین نے ان شہادتوں کو شائع کرنے سے انکار کردیا تھا ۔ اب مصنفہ نے اس کو کتابی شکل دےدی ہے ۔ کتاب کا ترجمہ محمد ضیاء اللہ ندوی نے کیا ہے اور مضامین ڈاٹ کام نے شائع کیا۔ کتاب اس کے تقسیم کار فاروس میڈیا سے مل سکتی ہے۔ ۲۲۲ صفحات پر مشتمل یہ کتاب ۲۶۰ روپئے میں دستیاب ہے۔ آرڈر دینے کے لئے ویب سائٹ کا استعمال کریں ، تقسیم کار کو books@pharosmedia.com پر ایمیل کریں یا 011-26947483, 09868656614 پر فون کریں۔