ایک فقیہ کی وفات کا سانحہ۔۔۔ ڈاکٹر عبد السلام العبادی۔۔۔ تحریر: ڈاکٹر بد رالحسن القاسمی

ڈاکٹر عبد السلام العبادی اردن کے نامور عالم اور فقیہ تھے کئی سالوں سے بین الاقوامی فقہ اکیڈمی یامجمع الفقہ الاسلامی الدولی کے جنرل سیکریٹری کی حیثیت سے جدہ میں مقیم تھے اور وفات بھی وہیں اور کرونا کی بیماری کا شکار ہوکر ھوئی اس طرح اس عجیب وغریب آفت اورعالمی طاعون یا طوفان کا نشانہ بننے والی تازہ قیمتی شخصیت ڈاکٹر عبد السلام العبادی کی ھے ڈاکٹر صاحب کی پیدائش ١٩٤٣کی تھی انھوں نے ١٩٧٢میں جامعہ ازھر کی کلیة الشريعه والقانون سے ڈاکٹریٹ کی ڈگری فقہ مکارم میں نہایت ھی امتیاز کے ساتھ حاصل کی تھی الملکیة في الاسلام کے عنوان سے انکا ڈاکٹریٹ کا مقالہ دو جلدوں پر مشتمل بڑا عالمانہ اور قیمتی ھے ڈاکٹر عبدالسلام العبادی کئی بار اپنے ملک کے وزیر اوقاف وامور بیت المقدس کے ذمہ دار رہ چکے ھیں اور بھی کئی اعلی منا صب پر فائز رہ چکے ھیں‌ عالمانہ کمال کے ساتھ طبیعت میں بیحد شرافت تھی شارجہ الجزائر ریاض مکہ مکرمہ دبی وغیرہ کی کانفرنسوں میں انکے ساتھ شرکت کا موقع ملا اور انھوں نے بین الاقوامی فقہ اکیڈمی کے جنرل سیکریٹری کی ذمہ داریوں کو بڑی خوش اسلوبی سے نباھا اکیڈمی کے صدر عالی جناب شیخ ڈاکٹر صالح بن حمید امام وخطیب حرم مکی کے کام کا انداز ایسا ھے جس سے ڈاکٹر العبادی ھم آہنگ رھے اور علمی وقار واعتبار ھمیشہ قائم رھا نامو ر اقتصادی شخصیت سید صالح کامل نے آزاد ھیئة الرقابة والتصنيف قائم كى تواسميں ھم دونوں کا انتخاب کیا گیا تھا اور صد ارت کیلئے تیونس کے سابق مفتی شیخ محمد مختار السلامی نامزد کئے گئے تھے ڈاکٹر محمود احمد غازی شیخ صالح الحصین د المرزوقی اور ڈاکٹر عبد الباری مشعل وغیرہ بھی اسمیں شامل تھے میرے جوانمرگ بیٹے محمد بدرالقاسمی کااردن میں انتقال ہوگیا تو تسلی دینے اور تعزیت کرنے والوں میں پیش پیش ڈاکٹر عبد السلام العبادی اور ڈاکٹر عبد الناصر ابو البصل اور ڈاکٹر جمال ابو احسان تھے ڈاکٹر العبادی نے وہیں ارض محشر میں اسکی تدفین کی ترغیب اس طرح دی کہ دباؤبھی نہ ھو شرعی نقطہ نظر کا لحاظ بھی اور یہ علمی امانت اردن میں ھی رھے آج ڈاکٹر العبادی اللہ کو پیارے ھوگئے اور کئی سیمیناروں سےجس کورونا سے پیدا ھو نے والے فقھی مسائل انکی توجہ کا مرکز تھے دلہ البرکہ کا چالیسواں سمینار مجمع الفقہ الدولی سیمینار اور رابطہ عالم اسلامی اور دبی مجلس الافتاء سمینار وہ سب میں شریک رھے اور خود کارونا میں مبتلا ہوکر ھی اس دنیا سے رخصت ھوئے اور ٧٧سال کی عمر میں شھادت پائی اور رب کائنات نے انکے لئے فردوس بریں کی راہ آسان کردی رحمہ اللہ رحمة واسعة