تقسیم ہند کا طوفان گزرنے کے فورا بعد جمعیت علمائے ہند نے مجاہد ملت مولانا حفظ الرحمن سیوہاروی کی قیادت میں ہندوستان میں دینی تعلیمی اداروں کی نشات ثانیہ کے لئے ۱۹۵۵ء میں دہلی اور ممبئی میں دو دینی تعلیمی کانفرنسیں منعقد کی تھیں،ممبئی کانفرنس کے کنوینرجناب الحاج احمد غریب سیٹھ مرحوم تھے، اور ان کے خصوصی معاون جناب الحاج محی الین منیری مرحوم۔
اس مناسبت سے انجمن خدام النبی ممبئی کے ترجمان ماہنامہ البلاغ کا ایک خصوصی نمبر نکلا تھا، یہ نمبر ایک تاریخی دستاویز ہے، کیونکہ اس وقت کے تقریبا جملہ دینی تعلیمی اداروں اور جامعات نے اپنی تاریخ پر مبنی مضامین تیار کرکے اس میں اشاعت کے لئے ارسال کئے تھے۔ مجلہ کی ادارت اس وقت کے مندرجہ ذیل اکابر نے کی تھی۔
اس نمبر کے لئے خصوصیت سے مندرجہ ذیل اکابر نے مضامین لکھے تھےَ
۔۱۔ شیخ الاسلام حضرت مولانا سید حسین احمد صاحب مدنیؒ
۔۲۔ حکیم الاسلام حضرت مولانا قاری محمد طیبؒ
۔۳۔ مجاہد ملت حضرت مولاناحفظ الرحمن سیوہارویؒ
۔۴۔ حضرت مولانا سید مناظر احسن گیلانیؒ
۔۵۔ حضرت مولانا سید محمد میاںؒ
کچھ عرصہ پہلے ہمیں اس مجلہ کہ ایک غیر معیاری پی ڈیف کاپی دستیاب ہوئی تھی، جسے ہم نے علم وکتاب واٹس اپ گروپ پر پوسٹ کی تھی، لیکن اب ہم نے مجلہ کا ایک نادر ورقی نسخہ حاصل کرکے اس کا ایک معیاری رنگین اور دوسرا بلیک اینڈ وائٹ فوٹو بنایا ہے، اور ہماری خواہش ہے کہ یہ کسی ملی ادارے سے معیاری انداز سے شائع ہوکر عام ہو، دیکھئے کب اس کے نصیب کھلتے ہیں۔ تعارف کے لئے مجلہ کے ابتدائی صفحات کی تصاویر منسلک ہیں۔