اکتوبر 23 :  کو مشہور و معروف شاعر اور ادیب آنند نارائن ملاؔ کا یومِ پیدائش ہے

از؛ ابوالحسن علی بھٹکلی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ملاؔ صاحب 23 اکتوبر 1901ء کو لکھنؤ میں پیدا ہوۓ۔ والد کا نام جگت نرائن ملا تھا جو لکھنؤ کے مشہور وکیل تھے اور لکھنو کی اہم شخصیت تھے۔اردو اور فارسی کی تعلیم گھر پر حاصل کی۔1923 میں انگریزی میں ایم کیا۔1925 میں وکالت کا امتحان پاس کر کے لکھنو میں وکالت شروع کی۔ملا صاحب نے انگریزی میں شاعری 1917 میں شروع کی۔طالب علمی کے زمانے میں انیسؔ،غالبؔا اور علام اقبالؔ کے اشعار کے اردو ترجمے کۓ۔اس طرح سے عالمی ادب سے واقفیت کا موقع ملا۔ملا صاحب لکھنوی تہذیب کے دلداہ تھے۔1925 میں اردو میں شاعری کی ابتدا کی اور اردو میں سات کتابیں لکھیں۔ جن میں جوۓ شیر،میری حدیث عمر گریزاں،کچھ ذرے کچھ تارے،کرب آگہی،جادہء ملا۔پانچ شعری مجموعے۔ایک نثر میں اور ایک مضامین نہرو کا اردو ترجمہ کیا۔شاعری میں کسی کے شاگرد نہیں تھے۔نہ ہی کسی سے اصلاح لی البتہ چکبست لکھنوی کی شاعری سے متاثر تھے۔ملا صاحب کا پیشتر حصہ لکھنو میں گذرا۔ملا صاحب الٰہ آباد ہائی کورٹ کےجج اکتوبر 1961ء تک رہےآپ کا انتقال نئی دھلی بھارت میں 12 جون 1997ء کو ھوا ۔ ۔ آنند نارائن ملا کی مادری زبان اردو تھی۔انہیں اردو سے عشق تھا۔اس کا اظہار ان کے اس فقرے سے ہوتا ہے جو انجمن کی جے پور میں منعقد ہونے والی آل انڈیا اردو سروس کے صدارتی خطبہ میں شامل تھا۔انہوں نے کہا تھا"اردو میری مادری زبان ہے میں مذہب چھوڑ سکتا ہوں لیکن اپنی مادری زبان نہیں "۔ پروفیسر مسعود حسن صاحب کے بقول کوئی مائی کا لال ایسا ہے جس نے اتنی جرات اور دلیری کے ساتھ ایسا کہا ہو۔یہ بات ہر ادیب یا شاعر کہنے کی جرات نہیں کر سکتا۔یہ اردو سے ان کی قلبی لگاو کی دلیل تھی۔ ملا صاحب انجمن ترقی اردو ہند کے دس سال۔ 09 اکتوبر 1972سے 08 اکتوبر 1983 تک صدر رہے پنڈت نارائن ملا کشمیری برہمن تھے۔اردو جن کی گھٹی میں پڑی۔جس لکھنو کی ادبی فضا کو پنڈت رتن ناتھ سرشار،دیا شنکر نسیم اور برج نرائن چکبست جیسے ادیبوں اور شاعروں نے قابل رشک بنایا تھا۔آنند نرائن ملا نے پہلے نظم پھر غزل کے ذریعے جادو جگایا۔22 سال کی عمر میں انہوں نے شاعری شروع کی تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ منتخب اشعار ۔۔۔۔۔۔۔۔۔۔۔۔۔۔۔۔۔۔۔۔۔۔ اس اک برس کے بزم میں قصے بنے ہزار اتنا سمجھ سکا جسے جتنا شعور تھا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دل کی دل کو خبر نہیں ملتی جب نظر سے نظر نہیں ملتی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خموشی ساز ہوتی جارہی ہے نظر آواز ہوتی جا رہی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قہر کی کیوں نگاہ ہے پیارے کیا محبت گناہ ہے پیارے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اب اور اس کے سوا چاہتے ہو کیا مُلا یہ کم ہے کہ اس نے تمھیں مسکرا کے دیکھ لیا ۔۔۔۔۔۔۔۔۔۔۔۔۔۔۔۔۔۔۔۔ وہ کون ہیں جنہیں توبہ کی مل گئی فرصت ہمیں گناہ بھی کرنے کو ذندگی کم ہے ۔۔۔۔۔۔۔۔۔۔۔۔۔۔۔۔۔۔۔۔ رونے والے تجھے رونے کا سلیقہ ہی نہیں اشک پینے کے لۓ ہیں یا بہانے کے لۓ ۔۔۔۔۔۔۔۔۔۔۔۔۔۔۔۔۔۔۔ عشق کرتا ہے تو پھر عشق کی توہین نہ کر یا تو بے ہوش نہ ہو ہو تو نہ پھر ہوش میں آ ۔۔۔۔۔۔۔۔۔۔۔۔۔۔۔۔۔۔۔۔ دنیا ہے یہ کسی کا نہ اس میں قصور تھا دو دوستوں کا مل کے بچھڑنا ضرور تھا ۔۔۔۔۔۔۔۔۔۔۔۔۔۔۔۔۔۔۔ جس کے خیال میں گم ہوں اس کو بھی کچھ خیال ہے میرے لۓ یہی سوال سب سے بڑا سوال ہے ۔۔۔۔۔۔۔۔۔۔۔۔۔۔۔۔۔۔ وہ دنیا تھی جہاں تم روک لیتے تھے زباں میری یہ محشر ہے یہاں سننی پڑے گی داستاں میری ۔۔۔۔۔۔۔۔۔۔۔۔۔۔۔۔۔۔ منتخب کلام ۔۔۔۔۔۔۔۔۔۔۔۔۔۔۔۔۔۔۔۔۔ گزُری حیات، وہ نہ ہُوئے مہرباں کبھی سُنتے تھے ہم، کہ عشق نہیں رایگاں کبھی اِتنا تو یاد سا ہے ، کہ ہم تھے جواں کبھی پھرتی ہیں کُچھ نِگاہ میں پرچھائیاں کبھی دو گُل قفس میں رکھ کے نہ صیّاد دے فریب دیکھا ہے ہم نے، جیسے نہیں آشیاں کبھی بُھولے ہوئے ہو تم ، تو دِلائیں گے ہم نہ یاد ! ہم تم بھی، راہِ زیست میں تھے ہم عناں کبھی ویرانئ نِگاہ پہ میری ، نہ جائیے پلتی تھیں اِس کے سایے میں بھی بجلیاں کبھی ہاں یاد ہے، کسی کی وہ پہلی نگاہِ لُطف پھر خُوں کو یوں رگوں میں نہ دیکھا رواں کبھی مُلّا بنادیا ہے اِسے بھی محاذِ جنگ اِک صُلح کا پیام تھی اُردو زباں کبھی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چُھپ کے دنیا سے سوادِ دلِ خاموش میں آ آ یہاں تو مری ترسی ہوئی آغوش میں آ اور دنیا میں ترا کوئی ٹھکانہ ہی نہیں اے مرے دل کی تمنا لب خاموش میں آ مئے رنگیں! پس مینا سے اشارے کب تک ایک دن ساغر رندان بلا نوش میں آ عشق کرتا ہے تو پھر عشق کی توہین نہ کر یا تو بے ہوش نہ ہو، ہو تو نہ پھر ہوش میں آ تو بدل دے نہ کہیں جوہر انساں کا بھی رنگ اے زمانے کے لہو دیکھ نہ یوں جوش میں آ دیکھ کیا دام لگاتی ہے نگاہِ ملاّ کبھی اے غنچہء تر دست گل افروش میں آ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سرِ محشر یہی پوچھوں گا خدا سے پہلے تو نے روکا بھی تھا مجرم کو خطا سے پہلے اشک آنکھوں میں ہیں ہونٹوں پہ بُکا سے پہلے قافلہ غم کا چلا بانگِ درا سے پہلے اُڑ گیا جیسے یکایک میرے شانوں پر سے وہ جو اک بوجھ تھا تسلیمِ خطا سے پہلے ہاں یہاں دل جو کسی کا ہے اب آئینہء حسن ورقِ سادہ تھا اُلفت کی ضیا سے پہلے ابتدا ہی سے نہ دے زیست مجھے درس اُس کا اور بھی باب تو ہیں بابِ رضا سے پہلے میں گرا خاک پہ لیکن کبھی تم نے سوچا مجھ پہ کیا بیت گئی لغزشِ پا سے پہلے اشک آتے تو تھے لیکن یہ چمک اور تڑپ اُن میں کب تھی غمِ الفت کی ضیا سے پہلے درِ میخانہ سے آتی ہے صدائے ساقی آج سیراب کئے جائیں گے پیاسے پہلے رازِ مے نوشیِ ملا ہوا افشا ورنہ سمجھا جاتا تھا ولی لغزشِ پا سے پہلے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فتنہ پھر آج اُٹھانے کو ہے سر لگتا ہے خون ہی خون مجھے رنگِ سحر لگتا ہے مان لوں کیسے کہ میں اب سراپا ہوں فقط میرے احباب کا یہ حسنِ نظر لگتا ہے کل جسے پھونکا تھا یہ کہہ کے کہ دشمن کا ہے گھر سوچتا ہوں تو وہ آج اپنا ہی گھر لگتا ہے احتیاطاً کوئی در پھوڑ لیں دیوار میں اب شور بڑھتا ہوا کچھ جانبِ در لگتا ہے اک دروازہ ہے ہر سمت میں کھلنے کے لئے ہو نہ ہو یہ تو مجھے شیخ کا گھر لگتا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جانِ افسانہ یہی کچھ بھی ہو افسانے کا نام زندگی ہے دل کی دھڑکن تیز ہو جانے کا نام قطرہ قطرہ زندگی کے زہر کا پینا ہے غم اور خوشی ہے دو گھڑی پی کر بہک جانے کا نام انتظارِ فصلِ گل میں کھو چکے آنکھوں کا نور اور بہارِ باغ لیتی ہی نہیں آنے کا نام تابِ ناکامی نہیں تو آرزو کرتا ہے کیا آرزو ہے موج کے ساحل سے ٹکرانے کا نام آج تُو کل کوئی اور ہوگا صدرِ بزم میں ساقیہ تجھ سے نہیں ہم سے ہے میخانے کا نام واقفِ ملا نہ تھی بزمِ خرد ، یہ طے ہوا ہو نہ ہو ، یہ ہے کسی مشہور دیوانے کا نام