اکتوبر 13:  کو نامور شاعر امیرالشعراء منشی امیر احمد صاحب امیرؔمینائی داغؔ دہلوی کے ہم عصر کی برسی ہے

از؛ ابوالحسن علی بھٹکلی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اپنی غزل " سرکتی جائے ہے رخ سے نقاب آہستہ آہستہ" کے لئے مشہور ہیں ۔۔۔۔۔۔۔۔۔۔۔۔۔۔۔۔۔ امیرؔ اور داغؔ رام پور میں ایک طویل مدت تک ساتھ رہے۔ان میں بڑا خلوص تھا۔ایک دوسرے سے محبت رکھتے تھے اور ایک دوسرے کی عزت کرتے تھے۔ داغؔ کے نزدیک امیرؔ اور ان کے کلام کا کیا مرتبہ تھا وہ صنم خانہٗ عشق کے قطعہٗ ربایات تاریخ طباعت کے ان اشعار میں ملاحظہ کیجیےٗ یہ کلام ایسا کلام اتنا کلام ہے نشان مصحفیؔ شان اسیرؔ محو ہو جاتے جو اس کو دیکھتے ناسخؔ و آتشؔ تو کیا مرزاؔ و میرؔ آج ہے طوطیٗ معجز بیاں بلبل ہندوستاں کا ہمصفیر ایسا استادِ زمانہ پھر کہاں زندہ رکھ تو اس کو یا ربِ قدیر ۔۔۔۔ داغؔ سے خلوص کے اظہار میں امیرؔ کے یہ مقطعے بھی دیکھیے امیرؔ اچھی غزل ہے داغؔ کی جس کا یہ مصرع ہے بھویں تنتی ہیں، خنجر ہاتھ میں تن کے بیٹھے ہیں ۔۔۔۔۔۔۔۔ کہاں ہم اے امیرؔ اور اب کہاں داغؔ یہ جلسے ہو چکے خلد آشیاں تک ۔۔۔۔۔۔۔۔۔۔ جب سے سنا امیرؔ کہ ہیں داغؔ درد مند لاکھوں پڑے ہیں سینہٗ اہلِ سخن میں داغ ---------------------------------------- امیر احمد مینائی نام، امیرؔ تخلص۔آپ ۲۱ فروری ۱۸۲۹ کو بروز دو شنبہ بہ وقت ساڑھے دس بجے لکھنؤ میں پیدا ہوئے ۔ مخدوم شاہ مینا کے خاندان سے تعلق تھا اس لیے مینائی کہلائے۔ طب، جفر اور نجوم سے واقف تھے۔ اپنے علم وفضل اور قابلیت میں اپنے معاصرین سے ممتاز تھے۔ شعروسخن کا شوق بچپن سے تھا۔ مظفر علی اسیر سے تلمذ حاصل تھا۔ ۱۸۵۲ء میں واجد علی شاہ کے دربار سے تعلق قائم ہوا اور ان کے حکم سے دو کتابیں’’ارشاد السلطان‘‘ اور ’’ہدایت السلطان‘‘ تصنیف کیں۔ ۱۸۵۷ء کے ہنگامے کے بعد رام پور چلے گئے اور نواب یوسف علی خاں والئ رام پور کے انتقال کے بعد نواب کلب علی خاں نے انھیں اپنا استاد مقرر کیا۔ رام پور میں ۴۳ برس بڑی عزت وآرام سے زندگی بسر کی اور تصنیف وتالیف میں مشغول رہے۔ نواب کے انتقال کے بعد داغ کے ایما پر امیر مینائی حیدر آباد (دکن)چلے گئے ۔۔۔۔۔۔۔۔۔۔۔۔۔ ۱۸۹۲ میں امیرؔ مینائی بیمار ہو گےٗ تھے حکیموں اور ڈاکٹروں سے علاج کرایا مگر افاقہ نہ ہوا۔آخر ۱۹ جمادی الٓاخر ۱۳۱۸ ھ مطابق ۱۳ اکتوبر ۱۹۰۰ کو عیسوی سال کے لحاظ سے اکھتر برس سات مہینے اور بیس دن کی عمر میں رات دو بجے انتقال کر گئے توڑ ڈالی موت نے غربت میں میناےٗ امیرؔ اور اسی دن درگاہ شاہ یوسف و شاہ شریف میں ابدی نیند سلا دیےٗ گےٗ لوحِ مزار پر جلیلؔ مانکپوری کی یہ تاریخ کندہ کی گئی امیر کشور معنی امیرؔ مینائی خدا کے عاشقِ صادق درِ نبیﷺ کے فقیر گئے جو خلد بریں کو تو ان کی تربت پر جلیلؔ نے یہ لکھا روضہٗ جناب امیرؔ ۔۔۔۔۔۔۔۔۔ اور اس کی پشت پر امیرؔ کا یہ شعر ابھی مزار پہ احباب فاتحہ پڑھ لیں پھر اس قدر بھی ہمارا نشاں رہے نہ رہے ۔۔۔۔۔۔۔۔۔۔۔۔۔ امیرؔ کے انتقال پر اردو دنیا میں عام طور پر گہرے رنج و غم کا اظہار کیا گیا اخبارات و رسائل میں تعزیتی مضامین شائع ہوے۔ اکثر ہم عصروں شاگردوں اور دوسرے شاعروں نے اردو اور فارسی میں وفات کی تاریخیں کہیں ۔ ان میں مہاراجہ کشن پرشادؔ ،داغؔ اور جلیل وغیرہ کی تاریخیں خصوصیت کی مالک ہیں۔ داغؔ کی تین تاریخوں میں سے ایک تاریخ ملاحظہ ہو۔ کر گےٗ رحلت امیر احمد امیرؔ اب نشاطِ زندگی جاتا رہا مل گئی تاریخ دل سے داغؔ کے آہ لطفِ شاعری جاتا رہا ۔۔۔۔۔۔۔۔۔۔۔۔۔۔۔۔۔۔۔۔ ان کی چند غزلوں کے مقطعے ملاحظہ کیجیےٗ ۔۔۔۔۔۔۔۔۔۔ میں نے کہا ضبطِ فغاں ہو نہیں سکتا اُٹھے وہ چھری لے کے کہ ہاں ہو نہیں سکتا پیامِ یار۔ فروری ۱۸۹۷ ۔۔۔۔۔۔۔۔۔۔۔۔۔ نازک بہت ہیں ہونٹ مرے نونہال کے ساقی پلاےٗ پھول تو کانٹا نکال کے پیامِ یار۔اکتوبر ۱۸۹۷ ۔۔۔۔۔۔۔۔۔۔ زباں ضعفِ پیری میں چلتی رہی سحر ہو گئی شمع جلتی رہی پیامِ یار ۔ دسمبر ۱۸۹۷ ۔۔۔۔۔۔۔۔۔۔۔ بہت عیار تیری آنکھ بھی عیار کیسی ہے ہزاروں مار ڈالے اس نے یہ بیمار کیسی ہے ریاض سخن۔ جنوری ۱۸۹۸ ۔۔۔۔۔۔۔۔۔۔۔ اللہ اللہ کیا تڑپنے میں ہے جانِ اہلِ درد لوٹتی ہیں بجلیاں سن کر فغانِ اہلِ درد پیامِ یار ۔ مارچ ۱۸۹۸ ۔۔۔۔۔۔۔۔۔۔۔۔ عشق نے کی جب سے قربانی مری چشمِ بلبل میں ہے حیرانی مری ۔۔۔۔۔۔۔۔۔۔۔۔۔۔ کب نگاہوں سے تری پشیمانی ہوئی ہین یہ سب گلیاں مری دیکھی ہوئی چھانی ہوئی دو غزلہ۔دامن گلچیں۔ جنوری ۱۸۹۹ ۔۔۔۔۔۔۔۔۔۔۔۔۔ اُترا ہوا گلے کا ترے ہار کیا ہوا سینے پہ چڑھ کے جس نے کیا پیار کیا ہوا دامنِ گلچیں۔ فروری ۱۸۹۹ ۔۔۔۔۔۔۔۔۔۔۔۔۔ جنھیں محبوب خاص الخاص تیری ذاتِ عالی ہے تری شانِ جلالی بھی انھیں شانِ جمالی ہے دامنِ گلچیں ۔ مارچ ۱۸۹۹ ۔۔۔۔۔۔۔۔۔۔۔۔۔۔ ہاتھ پہ اس دلِ بیتاب پہ کیونکر کوئی ڈالے بجلی کو تڑپنے میں بھلا کون سنبھالے دامنِ گلچیں ۔ مئی ۱۸۹۹ ۔۔۔۔۔۔۔۔۔۔۔۔۔۔ ارمان جلے دل کے نکلنے نہیں دیتے اب یوں وہ جلاتے ہیں کہ جلنے نہیں دیتے پیامِ یار۔ جولائی و اگست ۱۹۰۷ ۔۔۔۔۔۔۔۔۔۔۔ ایک غزل ملاحظہ کریں جسے شاید امیرؔ نے ناقبل اشاعت سمجھ کر بعد میں حذف کر دیا تھا۔ ۔۔۔۔۔۔۔ ہر غنچہ میں وحدت کا تماشا نظر آیا ہر پھول میں رنگِ چمن آرا نظر آیا کیا ذکر حرم جا کے جو میخانہ میں دیکھا واں بھی تری قدرت کا تمشا نظر آیا وہ رند ہوں میں دل کی طرح سینہ میں رکھا ساقی جو شکستہ کوئی مینا نظر آیا اس بزم میں حیرت کی مری وجہ نہ پوچھو آئینے سے پوچھو کہ تجھے کیا نظر آیا وہ آپ ہی ناظر وہ ہے آپ ہی منظور نظارہ ہی اک بیچ میں پردا نظر آیا تارا جسے سمجھا تھا امیرؔ آنکھ کا اپنے دیکھا تو وہی داغ جگر کا نظر آیا ۔۔۔۔۔۔۔۔۔۔۔۔۔۔ چند متفرق اشعار بھی ملاحظہ کریں جو مطبوعہ دواوین میں نہیں ہیں ۔۔۔۔۔۔۔۔ لڑکپن سے جوانی سے بڑھاپے سے ہوا ثابت کہ ہستی سے عدم تک فاصلہ ہے تین منزل کا ۔۔۔۔۔۔۔۔۔۔۔۔۔ بدل کے رنگ زمانے میں آ شکار ہوں میں کبھی چمن میں خزاں ہوں کبھی بہار ہوں میں ۔۔۔۔۔۔۔۔۔۔۔۔ ناچار قرض پیتے ہیں حاجت ہے کیا کریں مفلس ہیں اور شراب کی عادت ہے کیا کریں ۔۔۔۔۔۔۔۔۔۔۔۔۔۔۔ اک ادا سے ،ناز سے، انکار سے دل میں وہ آےٗ تو کس تکرار سے لوٹ جانا پاےٗ رنگیں پر امیرؔ سیکھ لے کوئی حناےٗ یار سے ۔۔۔۔۔۔۔۔۔۔۔۔۔۔۔۔ منتخب غزلیں ۔۔۔۔۔۔۔۔۔۔۔۔ سرکتی جاےٗ ہے رخ سے نقاب آہستہ آہستہ نکلتا آ رہا ہے آفتاب آہستہ آہستہ جواں ہونے لگے جب وہ تو ہم سے کر لیا پردہ حیا لخت آئی اور شباب آہستہ آہستہ شب فرقت کا جاگا ہوں فرشتو اب تو سونے دو کبھی فرصت میں کر لینا حساب آ ہستہ آہستہ سوال وصل پر ان کو ردو کا خوف ہے اتنا دبے ہونٹوں سے دیتے ہیں جواب آ ہستہ آہستہ وہ بے دردی سے سر کاٹیں امیرؔ اور میں کہوں ان سے حضور آہستہ آہستہ جناب آہستہ آہستہ ۔۔۔۔۔۔۔۔۔۔۔۔۔۔۔ میری تربت پر اگر آئیے گا عمر ِرفتہ کو بھی بُلوائیے گا سب کی نظروں پہ نہ چڑھئے اتنا دیکھئے دل سے اُتر جائیے گا آئیے نزع میں بالیں پہ مری کوئی دم بیٹھ کے اُٹھ جائیے گا وصل میں بوسہْ لب دے کے کہا مُنہ سے کچھ اور نہ فرمائیے گا ہاتھ میں نے جو بڑھایا تو کہا بس، بہت پاؤں‌ نہ پھیلائیے گا زہر کھانے کو کہا، تو، بولے ہم جلا لیں گے جو مرجائیے گا حسرتیں نزع میں‌بولیں مُجھ سے چھوڑ کر ہم کو کہاں جائیے گا آپ سنئے تو کہانی دل کی نیند آجائے گی سو جائیے گا اتنی گھر جانے کی جلدی کیا ہے، بیٹھئے ، جائیے گا، جائیے گا کہتے ہیں، کہہ تو دیا، آئیں گے اب یہ کیا چِڑ ہے کہ کب آئیے گا ڈبڈبائے مرے آنسو، تو، کہا روئیے گا تو ہنسے جائیے گا رات اپنی ہے ٹھہرئیے تو ذرا آئیے بیٹھئے، گھر جائیے گا جس طرح عمر گزرتی ہے امیر آپ بھی یونہی گزر جائیے گا ۔۔۔۔۔۔۔۔۔۔۔۔۔۔۔ چاند سا چہرہ، نور سی چتون، ماشاء اللہ! ماشاء اللہ! خوب نکالا آپ نے جوبن، ماشاء اللہ! ماشاء اللہ! گُل رُخِ نازک، زلف ہے سنبل، آنکھ ہے نرگس، سیب زنخداں حُسن سے تم ہو غیرتِ گلشن، ماشاء اللہ! ماشاء اللہ! ساقیِ بزمِ روزِ ازل نے بادۂ حسن بھرا ہے اس میں آنکھیں ہیں ساغر، شیشہ ہے گردن، ماشاء اللہ! ماشاء اللہ! قہر غضب ظاہر کی رکاوٹ، آفتِ جاں درپردہ لگاوٹ چاہ کے تیور، پیار کی چتون، ماشاء اللہ! ماشاء اللہ! غمزہ اچکّا، عشوہ ہے ڈاکو، قہر ادائیں، سحر ہیں باتیں چور نگاہیں، ناز ہے رہزن، ماشاء اللہ! ماشاء اللہ! نور کا تن ہے، نور کے کپڑے، اس پر کیا زیور کی چمک ہے چھلے، کنگن، اِکّے، جوشن، ماشاء اللہ! ماشاء اللہ! جمع کیا ضدّین کو تم نے، سختی ایسی، نرمی ایسی موم بدن ہے، دل ہے آہن، ماشاء اللہ! ماشاء اللہ! واہ امیرؔ، ایسا ہو کہنا، شعر ہیں یا معشوق کا گہنا صاف ہے بندش، مضموں روشن، ماشاء اللہ! ماشاء اللہ! ۔۔۔۔۔۔۔۔۔۔۔۔۔۔۔۔۔ کون بیماری میں آتا ہے عیادت کرنے؟ غش بھی آیا تو مِری روح کو رخصت کرنے اُس کو سمجھاتے نہیں جاکے کسی دن ناصح روز آتے ہیں مجھ ہی کو یہ نصیحت کرنے تیر کے ساتھ چلا دل، تو کہا میں نے، کہاں؟ حسرتیں بولیں کہ، مہمان کو رخصت کرنے آئے میخانے میں، تھے پیرِ خرابات امیر اب چلے مسجدِ جامع کی امامت کرنے ۔۔۔۔۔۔۔۔۔۔۔۔۔۔۔۔۔۔ یہ چرچے، یہ صحبت، یہ عالم کہاں خدا جانے ، کل تم کہاں، ہم کہاں جو خورشید ہو تم تو شبنم ہیں ہم ہوئے جلوہ گر تم تو پھر ہم کہاں حسیں قاف میں گوکہ پریاں بھی ہیں مگر اِن حسینوں کا عالم کہاں الٰہی ہے دل جائے آرام غم نہ ہوگا جو یہ جائے گا غم کہاں کہوں اُس کے گیسو کو سنبل میں کیا کہ سنبل میں یہ پیچ یہ خم کہاں وہ زخمی ہوں میں، زخم ہیں بے نشاں الٰہی لگاؤں میں مرہم کہاں زمانہ ہوا غرق طوفاں امیر ابھی روئی یہ چشم پُرنم کہاں