اکتوبر01 :-: مشہور و معروف شاعر شکیبؔ جلالی کا یومِ ولادت ہے

از: ابوالحسن علی بھٹکلی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 12 نومبر 1966ء کو اس خبر نے کہ اردو کے صاحب اسلوب شاعر شکیب جلالی نے سرگودھا میں ٹرین کے نیچے آکر خودکشی کرلی ہے، پوری ادبی دنیا کو سوگوار کردیا نام سید حسن رضوی اور شکیب تخلص تھا۔یکم اکتوبر ۱۹۳۴ء کو علی گڑھ کے قصبہ جلالی میں پیدا ہوئے۔ دس سا ل کی عمر میں والدہ کا انتقال ایک حادثے میں ہوا۔ شکیب کے والد یہ صدمہ پرداشت نہ کرسکے اور اپنا ذہنی توازن کھوبیٹھے۔ شکیب کے کاندھوں پر چھوٹی سی عمر میں خاندان کی کفالت کا بوجھ سرپر آن پڑا۔ بدایوں سے میٹرک کیا اور بہنوں کے ہم راہ راولپنڈی آگئے۔ لاہو ر سے بی اے کیا اور تھل ڈولپمنٹ اتھارٹی میں نوکر ہوگئے۔غالباً ناموافق حالات کی بنا پر شکیب جلالی ایک دماغی مرض میں مبتلا ہوگئے اور ۳۲ سال کی عمر میں ۱۲؍ نومبر۱۹۶۶ء کو  سرگودھا میں ریل گاڑی کے سامنے آکر خود کشی کرلی۔ ا ن کے انتقال کے بعد احمدندیم قاسمی نے ان کا شعری مجموعہ ’’روشنی اے روشنی‘‘ کے نام سے ۱۹۷۲ء میں شائع کیا۔ ’’کلیات شکیب جلالی‘‘ ان کے صاحب زادے اقدس جلالی نے شائع کردی ہے(جن سے میرے ذاتی مراسم ہیں)وہ ایک نہایت ہونہار غزل گو شاعر تھے۔ ۔۔۔۔۔۔۔۔۔۔۔۔۔۔۔۔۔۔ منتخب اشعار ۔۔۔۔۔۔۔۔۔۔۔۔۔۔۔۔۔۔۔ تو نے کہا نہ تھا کہ میں کشتی پہ بوجھ ہوں آنکھوں کو اب نہ ڈھانپ مجھے ڈوبتا بھی دیکھ ۔۔۔۔۔۔۔۔۔۔۔۔۔۔۔۔۔۔۔۔ آ کے پتھر تو مرے صحن میں دو چار گرے جتنے اس پیڑ کے پھل تھے پس دیوار گرے ۔۔۔۔۔۔۔۔۔۔۔۔۔۔۔۔۔۔۔۔ شکیبؔ اپنے تعارف کے لیے یہ بات کافی ہے ہم اس سے بچ کے چلتے ہیں جو رستہ عام ہو جاۓ ۔۔۔۔۔۔۔۔۔۔۔۔۔۔۔۔۔۔۔۔ یہ ایک ابر کا ٹکڑا کہاں کہاں برسے تمام دشت ہی پیاسا دکھائی دیتا ہے ۔۔۔۔۔۔۔۔۔۔۔۔۔۔۔۔۔۔۔۔۔ فصیل جسم پہ تازہ لہو کے چھینٹے ہیں حدود وقت سے آگے نکل گیا ہے کوئی ۔۔۔۔۔۔۔۔۔۔۔۔۔۔۔۔۔۔۔۔ اس شور تلاطم میں کوئی کس کو پکارے کانوں میں یہاں اپنی صدا تک نہیں آتی ۔۔۔۔۔۔۔۔۔۔۔۔۔۔۔۔۔۔ منتخب کلام ۔۔۔۔۔۔۔۔۔۔۔۔۔۔۔۔۔۔ چوٹ ہر گام پہ کھا کر جانا قُربِ منزل کے لئے مر جانا ہم بھی کیا سادہ نظر رکھتے تھے سنگ ریزوں کو جواہر جانا مشعلِ درد جو روشن دیکھی خانہُ دل کو منّور جانا رشتہِ غم کو غمِ جاں سمجھے زخمِ خنداں کو گلِ تر جانا یہ بھی ہے کارِ نسیمِ سحری پتّی پتّی کو جدا کر جانا اپنے حق میں وہی تلوار بنا جسے اک پھول سا پیکر جانا ۔۔۔۔۔۔۔۔۔۔۔۔۔۔۔۔۔۔۔۔۔۔ جب تک غمِ جہاں کے حوالے ہوئے نہیں ہم زندگی کے جاننے والے ہوئے نہیں کہتا ہے آفتاب ذرا دیکھنا کہ ہم ڈوبے تھے گہری رات میں، کالے ہوئے نہیں چلتے ہو سینہ تان کے دھرتی پہ کس لیے تم آسماں تو سر پہ سنبھالے ہوئے نہیں انمول وہ گہر ہیں جہاں کی نگاہ میں دریا کی جو تہوں سے نکالے ہوئے نہیں طے کی ہے ہم نے صورتِ مہتاب راہِ شب طولِ سفر سے پاؤں میں چھالے ہوئے نہیں ڈس لیں تو ان کے زہر کا آسان ہے اُتار یہ سانپ آستین کے پالے ہوئے نہیں تیشے کا کام ریشۂ گُل سے لیا شکیبؔ ہم سے پہاڑ کاٹنے والے ہوئے نہیں ۔۔۔۔۔۔۔۔۔۔۔۔۔۔۔۔۔۔ پاس رہ کر بھی بہت دور ہیں دوست اپنے حالات سے مجبور ہیں دوست ترکِ الفت بھی نہیں کر سکتے ساتھ دینے سے بھی معذور ہیں دوست گفتگو کے لئے عنواں بھی نہیں بات کرنے پہ بھی مجبور ہیں دوست یہ چراغ اپنے لیے رہنے دو تیر راتیں بھی تو بے نور ہیں دوست سبھی پژ مردہ ہیں محفل میں شکیبؔ میں پریشان ہوں رنجور ہیں دوست ۔۔۔۔۔۔۔۔۔۔۔۔۔۔۔۔۔۔ مانندِ صبا جدھر گئے ہم کلیوں کو نہال کر گئے ہم زنجیر بپا اگر گئے ہم نغموں کی طرح بکھر گئےہم سورج کی کرن تھے جانے کیا تھے ظلمت میں اُتر اُتر گئے ہم جب بھی کوئی سنگِ راہ دیکھا طوفاں کی طرح بپھر گئے ہم چلنا تھا جہاں محال یارو اس راہ سے بھی گزر گئے ہم بن جائیں گی منزلیں وہیں پر بھولے سے جہاں ٹھہر گئے ہم ہنس ہنس کے گلے ملے قضا سے تکمیلِ حیات کر گئے ہم ۔۔۔۔۔۔۔۔۔۔۔۔۔۔۔۔ ساحل تمام اشکِ ندامت سے اٹ گیا دریا سے کوئی شخص تو پیاسا پلٹ گیا لگتا تھا بے کراں مجھے صحرا میں آسماں پہونچا جو بستیوں میں تو خانوں میں بٹ گیا یا اتنا سخت جان کہ تلوار بے اثر یا اتنا نرم دل کہ رگِ گل سے کٹ گیا بانہوں میں آ سکا نہ حویلی کا اک ستون پُتلی میں میری آنکھ کی صحرا سمٹ گیا اب کون جائے کوئے ملامت کو چھوڑ کر قدموں سے آکے اپنا ہی سایہ لپٹ گیا گنبد کا کیا قصور اسے کیوں کہوں بُرا آیا جدھر سے تیر، اُدھر ہی پلٹ گیا رکھتا ہے خود سے کون حریفانہ کشمکش میں تھا کہ رات اپنے مقابل ہی ڈٹ گیا جس کی اماں میں ہوں وہ ہی اکتا گیا نہ ہو بوندیں یہ کیوں برستی ہیں، بادل تو چھٹ گیا وہ لمحۂ شعور جسے جانکنی کہیں چہرے سے زندگی کے نقابیں الٹ گیا ٹھوکر سے میرا پاؤں تو زخمی ہوا ضرور رستے میں جو کھڑا تھا وہ کہسار ہٹ گیا اک حشر سا بپا تھا مرے دل میں اے شکیبؔ کھولیں جو کھڑکیاں تو ذرا شور گھٹ گیا ۔۔۔۔۔۔۔۔۔۔۔۔۔۔۔۔۔۔۔ جس قدر خود کو وہ چھپاتے ہیں لوگ گرویدہ ہوتے جاتے ہیں جو بھی ہمدرد بن کے آتے ہیں غم کا احساس ہی جگاتے ہیں عہدِ ماضی کے زرفِشاں لمحے شِدّتِ غم میں مسکراتے ہیں خود کو بدنام کر رہا ہوں میں ان پہ الزام آئے جاتے ہیں اجنبی بن کے جی رہا ہوں میں لوگ مانوس ہوتے جاتے ہیں ۔۔۔۔۔۔۔۔۔۔۔۔۔۔۔۔۔۔۔۔ وہ سامنے تھا پھر بھی کہاں سامنا ہوا رہتا ہے اپنے نور میں سورج چھپا ہوا اے روشنی کی لہر کبھی تو پلٹ کے آ تجھ کو بلا رہا ہے دریچہ کھلا ہوا سیراب کس طرح ہو زمیں دور دور کی ساحل نے ہے ندی کو مقیّد کیا ہوا اے دوست چشمِ شوق نے دیکھا ہے بارہا بجلی سے تیرا نام گھٹا پر لکھا ہوا پہچانتے نہیں اسے محفل میں دوست بھی چہرہ ہو جس کا گردِ الم سے اٹا ہوا اس دور میں خلوص کا کیاکام اے شکیبؔ کیوں کر چلے بساط پر مہرا پِٹا ہوا