پنجاب سرکار نے مرکزی وزارت داخلہ کو بھیجی امرتپال سنگھ کی رپورٹ، فارن فنڈنگ اور آئی ایس آئی کنیکشن کا دعوی

چنڈی گڑھ : آپریشن امرتپال کو لے کر پنجاب سرکار نے مرکزی وزارت داخلہ کو اپنی رپورٹ سونپ دی ہے ۔ مرکزی وزارت داخلہ نے پنجاب سرکار سے اتوار کو ہوئی گرفتاری کے بعد امرتپال سنگھ سے متعلق رپورٹ طلب کی تھی ۔ این آئی اے نے بھی امرتپال کو لے کر اپنی شروعاتی جانچ رپورٹ مرکزی وزارت داخلہ کو سونپ دی ہے ۔ سامنے آیا ہے کہ فروری کے دوران وہ غیر ملکی نمبر استعمال کررہا تھا ۔ وہاٹس ایپ کالنگ کے ذریعہ وہ اپنے ساتھیوں کے ساتھ لگاتار رابطے میں تھا ۔ رپورٹ میں غیر ملکی فنڈنگ اور آئی ایس آئی کنیکشن کا بھی ذکر کیا گیا ہے ۔ معلومات کے مطابق مرکزی وزارت داخلہ نے اتوار کو خالصتان حامی امرپتال سنگھ سے وابستہ سبھی معلومات کی رپورٹ پنجاب سرکار سے طلب کی تھی ۔ پنجاب سرکار کو امرتپال سنگھ کے فرار ہونے سے لے کر گرفتاری تک اور پنجاب پولیس کو لائن آف ایکشن سے متعلق رپورٹ بھیجنے کیلئے کہا تھا ۔