’پاکستان دنیا کے سب سے خطرناک ممالک میں سے ایک‘، امریکی صدر جو بائڈن نے آخر کیوں دیا یہ بیان؟
12:08PM Sat 15 Oct, 2022
امریکی صدر جو بائڈن نے پاکستان کے تعلق سے ایک ایسا بیان دیا ہے جو پاکستان کے لیے فکر انگیز ہے۔ انھوں نے کہا ہے کہ ’’مجھے لگتا ہے شاید دنیا کے سب سے خطرناک ممالک میں سے پاکستان ایک ہے۔ یہ ایک ایسا ملک ہے جس کے پاس نیوکلیائی اسلحہ ہے، اور ساتھ ہی یہ ملک غیر مستحکم بھی ہے۔‘‘ بائڈن نے یہ بیان ڈیموکریٹک کانگریس کی مہم کمیٹی کی استقبالیہ تقریب میں دیا۔
"What I think is maybe one of the most dangerous nations in the world, Pakistan. Nuclear weapons without any cohesion", said US President Joe Biden at Democratic Congressional Campaign Committee Reception pic.twitter.com/cshFV5GVHY
— ANI (@ANI) October 15, 2022
امریکی صدر کے بیان پر پاکستان کا رد عمل بھی سامنے آیا ہے۔ ’دی ڈان‘ کے مطابق پاکستان کے وزیر توانائی خرم دستگیر نے بائڈن کے مذکورہ بیان پر اپنی بات دنیا کے سامنے رکھی ہے۔ انھوں نے کہا ہے کہ ’’بائڈن کا بیان بے بنیاد ہے۔ بین الاقوامی ایجنسیوں نے کئی بار پاکستان کے انسداد نیوکلیائی اسلحہ پر مہر ثبت کی ہے۔‘‘
بہرحال، ’دی ڈان‘ نے اپنی رپورٹ میں لکھا ہے کہ امریکی صدر جو بائڈن کا کہنا ہے کہ دنیا تیزی سے بدل رہی ہے۔ ممالک اپنے ’گٹھ بندھنوں‘ پر از سر نو غور کر رہے ہیں اور اس معاملے کی سچائی یہ ہے کہ دنیا ہماری طرف دیکھ رہی ہے۔
Photos
