کرناٹک ہائی کورٹ نے حجاب معاملہ  کی اگلی کارروائی کل کے لیے کی ملتوی:  وزیر اعلی بومائی سے ملے مسلم لیڈران، کئی طالبات نے چھوڑا امتحان

بینگلور: 15 فروری ،2022 (بھٹکلیس نیوز بیورو/ ذرائع) ریاست  میں حجاب معاملہ پر آج بھی ہائی کورٹ کی تین رکنی بینچ کسی فیصلے پر نہیں پہنچ پائی   جس کی وجہ سے فاضل چیف جسٹس نے  اس معاملے کی اگلی کارروائی  کو کل کے لیے ملتوی کردیا۔ وہیں اس  تنازع کے درمیان کرناٹک کے مسلم لیڈروں نے آج  وزیر اعلی بسوراج بومائی سے ملاقات کی اور اس معاملے پر اپنے ناخوشی کا اظہار کرتے ہوئے معاملے کو جلد حل کرنے کی مانگ کی ۔ خبر رساں ایجنسی اے این آئی سے بات کرتے ہوئے کانگریس لیڈر یو ٹی قادر نے کہا کہ وفد نے وزیر اعلیٰ سے تمام اقلیتی برادریوں کی فلاح و بہبود کے لیے یکساں طور پر فنڈز تقسیم کرنے کی درخواست کی۔ قادر نے کہا کہ ''پچھلے دو سالوں میں محکمہ اقلیتی بہبود کے تعلیم اور بااختیار بنانے کے پروگراموں کے بجٹ میں کٹوتی کی گئی ہے۔ طلبہ کو پریشانی ہو رہی ہے۔

Karnataka: Amid a row on wearing hijab in classrooms, several leaders of minority community including Zameer Ahmad, Rizwan Arshad, Khanija Fathima, Tanveer Sait, Saleem Ahmad, and UT Khader met Chief Minister Basavaraj Bommai in Bengaluru today pic.twitter.com/TYR73QTdxH

— ANI (@ANI) February 15, 2022

دریں اثنا کچھ طلبہ نے اپنی دسویں کلاس کے پری  بورڈ امتحانات میں شرکت کرنے سے انکار کر دیا۔ طلبہ سے کہا گیا تھا کہ وہ اسکول میں داخل ہونے سے پہلے حجاب اتار دیں۔ یہ واقعہ شیموگہ کے کرناٹک پبلک اسکول کا ہے ۔ اسکول کی ایک طالبہ حنا کوثر نے اے این آئی کو بتایا کہ 'اسکول میں داخل ہونے سے پہلے مجھے اپنا حجاب اتارنے کیلئے کہا گیا تھا۔ میں ایسا نہیں کر سکتی، اس لئے میں نے امتحان میں شرکت نہیں کرنے کا فیصلہ کیا ۔' ایک اور واقعہ میں اڈپی کے فقیر نگر علاقہ میں ایک سرکاری اردو اسکول کی ایک طالبہ کے والدین نے کہا کہ وہ حجاب پر اچانک پابندی کی وجہ سے اپنی بیٹی کو اسکول نہیں بھیجیں گے۔ والدین کا کہنا تھا کہ 'اسکول میں حجاب پر پابندی کے بعد ہم اسے اسکول نہیں بھیج رہے ہیں۔ اب تک ہمارے خاندان کے کئی لوگ حجاب پہن کر اس اسکول میں پڑھ چکے ہیں۔ قوانین میں اچانک تبدیلی کیوں ہے؟'

Karnataka: Several students skip Class 10 preparatory exams at Karnataka Public School in Shivamogga city

Hina Kausar, a student of the school, says, "I was asked to remove hijab before entering the school. I can't do it, so I chose not to appear in the exam." pic.twitter.com/T6oOPjpuYw — ANI (@ANI) February 15, 2022

اڈوپی ضلع کے تحصیلدار نے کہا کہ اس معاملہ پر والدین اور اساتذہ کی میٹنگ چل رہی ہے ۔ بتادیں کہ اڈپی، بنگلورو اور دکشن کینرا  جیسے کچھ حساس علاقوں میں دفعہ 144 نافذ کر دی گئی ہے اور جنوبی ریاست میں ہائی اسکولوں کو دوبارہ کھولا گیا ہے ۔