جنتر منتر پرہنگامہ، احتجاج کررہے پہلوانوں اور دہلی پولیس کے درمیان دھکا مکی

اس معاملے پر دہلی پولیس کا بیان بھی آیا ہے۔دہلی پولیس نے اس معاملے کو معمولی بحث قرار دیا ہے۔ نیوز پورٹل اے بی پی پر شائع خبر کے مطابق  ڈی سی پی پرنب طائل نے کہا، "جنتر منتر پر پہلوانوں کی ہڑتال کے دوران، عام آدمی پارٹی رہنما سومناتھ بھارتی بغیر اجازت کے فولڈنگ بیڈ لے کر احتجاج کے مقام پر پہنچے۔ جب ہم نے مداخلت کی تو حامیوں نے جارحانہ ہو کر ٹرک سے بستر نکالنے کی کوشش کی۔ اس کے بعد معمولی جھگڑا ہوا اور سومناتھ بھارتی کو دو دیگر کو حراست میں لے لیا گیا۔‘‘

پہلوان بجرنگ پونیا نے الزام لگایا کہ پولیس اہلکاروں نے بہنوں اور بیٹیوں کے ساتھ بدسلوکی اور مارپیٹ کی۔ انہوں نے کہا کہ پورے ملک کی حمایت کی ضرورت ہے، سب کو دہلی آنا چاہیے۔ پی ٹی آئی کے مطابق، سابق پہلوان راجویر نے کہا، "بارش کی وجہ سے گدے گیلے ہو گئے تھے، اس لیے ہم سونے کے لیے فولڈنگ بیڈ  لا رہے تھے لیکن پولیس نے اس کی اجازت نہیں دی"۔اے بی پی پر شائع خبر کے مطابق  نشے میں دھت پولیس اہلکار نے ونیش پھوگاٹ کے ساتھ بدسلوکی کی اور پہلوانوں کےساتھ بدتمیزی کی۔