اوڈیشہ ٹرین حادثہ: مرنے والوں کی تعداد پہنچی 261۔ آخر کیسے ہوگیا اتنا بڑا حادثہ؟

نئی دہلی : اوڈیشہ کے بالاسور ضلع میں پیش آئے انتہائی بھیانک ریل حادثہ میں مرنے والوں کی تعداد بڑھ کر 261 ہوگئی ہے ۔ وہیں 900 سے زیادہ مسافر زخمی ہیں ۔ موصولہ معلومات کے مطابق یہاں جمعہ کی شام سب سے پہلے کورومنڈل ایکسپریس ٹرین وہاں پہلے سے کھڑی ایک مال گاڑی سے ٹکرا گئی ۔ وہیں اس کے بعد پیچھے سے آرہی بنگلورو ۔ ہاوڑہ ایکسپریس ٹرین نے اس کو ٹکر مار دی ۔ اس حادثہ کی جانچ کیلئے کمیٹی تشکیل دیدی گئی ہے ۔ وہیں حادثہ کی ابتدائی جانچ میں ایسے شارے ملے ہیں کہ اس حادثہ کے پیچھے کی وجہ سگنلنگ سسٹم کی پوری طرح ناکامی ہوسکتی ہے ۔ ساؤتھ ایسٹرن ریلوے کے کمشنر آف ریلوے سیفٹی نے پہلے ہی طے شدہ پروٹوکول کے مطابق اپنی تحقیقات شروع کر دی ہیں۔ وہیں ایس ای آر کی طرف سے کی گئی محکمہ جاتی جانچ میں ابتدائی طور پر اس حادثے کی وجہ سگنلنگ سسٹم کی مکمل ناکامی یا بڑے پیمانے پر انسانی غلطی کو مانا جا رہا ہے۔