کورونا کی دوسری لہر کے چلتے ریاستی حکومت کا تعلیمی اداروں کے متعلق بڑا فیصلہ: پہلی سے نویں جماعت کے طلبہ کو بغیر امتحان کے ملے گی ترقی

بینگلورو: 20 اپریل، 2021 (ذرائع) ریاست میں کورونا کی دوسری لہر کے بڑھتے ہوئے خوف کی وجہ سے محکمہ تعلیم نے پہلی سے نویں جماعت کے طلبہ کو بغیر کسی امتحان کے اگلے درجات میں ترقی دینے کا فیصلہ کیا ہے۔ یہ ترقی جائزہ کی بنیاد پر دی جائے گی۔  اس طرح کی بات وزیر تعلیم ایس سریش کمار نے اپنے ایک بیان میں کہی۔ اطلاعات کے مطابق یہ فیصلہ کورونا وائرس وبائی امراض کی ماہر کمیٹی کی رائے کی بنیاد پر لیا گیا ہے کیوں کہ کورونا وائرس وبائی امراض کی دوسری لہر کے تناظر میں امتحانات کا انعقاد ممکن نہیں ہے۔ محکمہ تعلیم کی جانب سے دی گئی معلومات کے مطابق شیڈول کے مطابق ریاست میں ایس ایس ایل سی اور دیگر پی یو امتحانات ہوں گے۔