مرکزی وزیر داخلہ کے بعد ریاستی وزیر اعلیٰ یڈی یورپا بھی ہوئے کورونا کا شکار: ڈاکٹروں کی ہدایات پر اسپتال میں بھرتی

بینگلورو: 3 اگست،2020 (بھٹکلیس نیوز بیورو) کرناٹک کے وزیر اعلیٰ بی ایس یڈی یورپا نے کل رات ساڑھے گیارہ بجے ٹویٹ کرکے کورونا سے متاثر ہونے کی خبر دی ہے۔ انہوں نے اپنے ٹویٹ میں کورونا رپورٹ پوزیٹیو آنے کی خبر دیتے ہوئے کہا ہے کہ وہ بالکل صحت مند ہیں اور ڈاکٹروں کی ہدایات پر اسپتال میں بھرتی ہورہے ہیں۔ انہوں پچھلے دنوں میں ان کے رابطے میں آنے والوں کو سیلف کورنٹائن ہونے کا مشورہ دیتے ہوئے جانچ کرنے کی ہدایت دی ہے۔

I have tested positive for coronavirus. Whilst I am fine, I am being hospitalised as a precaution on the recommendation of doctors. I request those who have come in contact with me recently to be observant and exercise self quarantine.

— B.S. Yediyurappa (@BSYBJP) August 2, 2020

خیال رہے کہ کل مرکزی وزیر داخلہ امت شاہ نے بھی ٹویٹ کرکے اپنی رپورٹ کے پوزیٹیو آنے کی خبر دی تھی جس کے بعد وہ ڈاکٹروں کے مشورے پر اسپتال میں بھرتی ہوگئے تھے۔