شیوراج حکومت نے مدھیہ پردیش کے تین شہروں میں ’لاک ڈاؤن‘ کا کیا اعلان

کورونا کے لگاتار بڑھتے معاملوں کو دیکھتے ہوئے مدھیہ پردیش کی شیوراج حکومت نے ریاست کے تین بڑے شہروں میں لاک ڈاؤن کا اعلان کر دیا ہے۔ میڈیا ذرائع سے موصول ہو رہی خبروں کے مطابق اندور، بھوپال اور جبل پور شہر میں اتوار کے روز یعنی ایک دن کے لیے لاک ڈاؤن کا اعلان کیا گیا ہے۔ ان تین شہروں میں اسکول و کالج کو 31 مارچ تک بند رکھنے کا بھی فیصلہ لیا گیا ہے۔ آج وزیر اعلیٰ شیوراج سنگھ چوہان کی صدارت میں ہوئی ایک جائزہ میٹنگ کے بعد یہ قدم اٹھایا گیا۔