کرناٹک کے ریاستی وزیر برائے رہائش کے خلاف کانگریس کا مظاہرہ:  بنگلورو پولیس نے کئی مظاہرین کو حراست میں لیا

بینگلورو: 24 اکتوبر، 2022 (ایجنسی) کرناٹک کے  وزیر برائے رہائش وی سومنّا کی خاتون کو تھپڑ مارنے کی ویڈیو وائرل ہونے کے بعد ان  کے خلاف احتجاجی مظاہرہ شروع ہو گیا ہے۔ بنگلورو میں پیر کے روز کانگریس لیڈران و کارکنان سڑک پر اترے اور وزیر وی سومنّا کے خلاف زوردار مظاہرہ کیا۔ مظاہرہ کر رہے کئی کانگریس لیڈران و کارکنان کو پولیس نے حراست میں لے لیا ہے۔ کانگریس کا مطالبہ ہے کہ ملزم وزیر کے خلاف سخت کارروائی کی جائے۔

Karnataka | Police detained Congress workers protesting against the state Housing Minister V Somanna, in Bengaluru

Yesterday, Somanna was caught on camera slapping a woman at an event in Gundlupet, when she went with a plea to resolve her grievance. pic.twitter.com/DQhRpFvaa9 — ANI (@ANI) October 24, 2022

خاتون کو تھپڑ مارے جانے کا یہ واقعہ 22 اکتوبر کا بتایا جاتا ہے جس کی ویڈیو تیزی کے ساتھ سوشل میڈیا پلیٹ فارم پر وائرل ہو گئی۔ الزام ہے کہ سومنّا نے گنڈلوپیٹ میں ایک خاتون کو تھپڑ مارا تھا۔ بتایا جا رہا ہے کہ خاتون مکان سے متعلق اپنی شکایت لے کر رہائشی وزیر کے پاس پہنچی تھی اور اپنے لیے انصاف کا مطالبہ کر رہی تھی۔ سومنّا نے اس خاتون کی پوری بات سننے کی جگہ اسے تھپڑ لگا دیا۔ حالانکہ اس تھپڑ کے بعد بھی خاتون نے وزیر کے پیر چھوئے اور انصاف کے لیے التجا کرتی ہوئی دکھائی دی۔  

#WATCH | Karnataka Minister V Somanna caught on camera slapping a woman at an event in Chamarajanagar district's Hangala village in Gundlupet Taluk, where he was distributing land titles.

(Source: Viral video) pic.twitter.com/RGez4y1fCV — ANI (@ANI) October 23, 2022