کرناٹک اورمہاراشٹرکےدرمیان سرحدی تنازع کی کیاہےوجہ؟ ’ہم تجربہ کار وکلاء کی خدمات حاصل کریں گے‘ سی ایم

کرناٹک کے چیف منسٹر بسواراج بومئی نے اتوار کو کہا کہ ریاست کی قانونی ٹیم میں سینئر اور تجربہ کار وکلاء کو مقرر کیا جائے گا تاکہ مہاراشٹر کے ساتھ سرحدی تنازعہ پر سپریم کورٹ میں مدلل انداز میں بحث کرسکیں۔ کرناٹک اور مہاراشٹر کے درمیان سرحدی تنازعہ  23 نومبر کو سپریم کورٹ میں سماعت کے لیے کیا جائے گا۔ اس کے لیے کرناٹک حکومت نے اعلان کیا ہے کہ کرناٹک کی جانب سے مؤثر طریقے سے بحث کرنے کے لیے سینئر اور تجربہ کار قانونی ٹیم کا تقرر کیا جائے گا۔ چیف منسٹر نے کہا کہ اس مسئلہ پر ایڈوکیٹ جنرل کے ساتھ تبادلہ خیال کیا گیا ہے اور ایک کیس اسٹڈی بھی کی گئی ہے۔ اس کے علاوہ کرناٹک ہائی کورٹ  کے پیشہ ورانہ کورسز میں داخلے کے لئے کامن انٹرینس ٹیسٹ کے نمبروں پر غور کرنے کے حکم پر بومئی نے کہا کہ ایڈوکیٹ جنرل کو اس بارے میں ہدایت دے دی گئی ہے۔ چیف منسٹر بسواراج بومئی نے کہا کہ اس مسئلہ پر رپورٹ پیش کرنے کے لیے ایک ٹیم تشکیل دی گئی ہے۔ انھوں نے بتایا کہ سپریم کورٹ میں اپیل دائر کرنے کا فیصلہ قانونی ماہرین سے مشاورت کے بعد کیا جائے گا۔