Thousand attend in funeral prayer of sm khaleel

دبئی:21 نومبر،2024 (بھٹکلیس نیوز بیورو)قائد قوم ڈاکٹر ایس ایم سید خلیل الرحمن مرحوم  کو دبئی کے القصیص قبرستان (سوناپور)  میں جمرات کی شب ہزاروں سوگواروں کی موجودگی میں سپرد خاک کیا گیا۔ مغرب کی نماز کے بعد ان کی نماز جنازہ ادا کی گئی اس سے قبل مسجد کے عربی امام نے‎ خلیل صاحب کی خدمات، ان کی خوبیوں اور ان کے ساتھ اپنے تعلقات کا ذکر کیا۔

اس موقع پر دبئی کے علاوہ شارجہ، ابوظبی اور دیگر گلف ممالک و شہروں سے بھی بڑی تعداد میں لوگ جنازے میں شریک ہوئے اور خلیل صاحب سے اپنے دلی تعلق کا اظہار کیا۔

خیال رہے کہ بھٹکل کے مرکزی اداروں کی طرف سے آج بعد نماز عشاء جامع مسجدمیں تعزیتی اجلاس منعقد کیا گیا ہے ، عوام و  خواص سے اس میں کثیر تعداد میں شرکت کی گزارش کی گئی ہے۔

ادارہ بھٹکلیس مرحوم کی وفات پر اپنے گہرے رنج و غم کا اظہار کرتے ہوئے دعا گو ہے کہ اللہ تعالیٰ مرحوم کی بال بال مغفرت فرمائے ان کی خدمات کو شرفقبولیت سے نوازے اور قوم و ملت کو ان کا نعم البدل نصیب فرمائے۔ آمین