Tempo Loses Control in Bhatkal: Collides with Four Motorbikes, One Dead and Four Injured

بھٹکل: 22 جنوری، 2025  (بھٹکلیس نیوز بیورو) بھٹکل قومی شاہراہ 66 کوالٹی ہوٹل کے قریب آج صبح ایک بے قابو ٹیمپو نے چار سواریوں کو یکے بعد دیگرے ٹکر دے دی جس کے نتیجے میں ایک شخص ہلاک جبکہ دیگر چار افراد زخمی بتائے گئے ہیں۔ زخمیوں میں سے مہیش موگیر نامی شخص شدید زخمی ہوا ہے جسے کنداپور لے جایا گیا ہے جبکہ دیگر تین افراد سرکاری اسپتال میں زیر علاج تھے جو اب خطرے سے باہر ہیں۔

مرنے والے کی شناخت یوگیش ناٹک کی حیثیت سے کی گئی ہے اور بقیہ زخمیوں کی شناخت شکھر موگیر، مُزدلفہ اور نعیم قمری کی حیثیت سے کی گئی ہے۔

اطلاع کے مطابق کائیکنی ترن مکّی کے رہنے والے  گنیش نے حال ہی میں ایک پرانا ٹمپو خریدا تھا  جسے مرمت کے لیے بیندور لے جایا جا رہا تھا کہ بھٹکل کوالٹی ہوٹل کے قریب  پہنچنے کے بعد  ٹمپو کا اسٹرینگ لاک  اچانک ٹوٹ گیا جس سے ٹمپو بے  قابو ہوکر حادثے کا شکار ہوگئی۔

اس تعلق سے بھٹکل ٹاون پولس تھانہ میں معاملہ درج کیا گیا ہے، پولس مزید چھان بین کررہی ہے۔