انکولہ کے الگیری میں سول ائیر پورٹ کو ملی منظوری

انکولہ: 25 جولائ 20 (بھٹکلیس نیوز بیورو) ریاستی حکومت کی جانب سے انکولہ کے الگیری میں سول ائیرپورٹ کو منظوری دے دی گئی جو کہ ضلع اتر کینرا میں تعمیر ہونے والا پہلا ائیرپورٹ ہوگا۔ بحری اڈے کی طرف سے تعمیر کیے جارہے اس ہوائی اڈے میں عوام کے لئے سہولیت فراہم کیے جانے کی منظور ی باقاعدہ طور پر ریاستی کابینہ نے دے دی ہے جس پر ضلع اترکنڑا کے انچارج وزیر ہیبار نے اپنی خوشی کا اظہار کرتے ہوئے ریاستی وزیر اعلیٰ کا شکریہ ادا کیا ہے۔ تفصیلات کے مطابق یہ ائیرپورٹ 97010 ایکڑ اراضی پر محیط ہوگا جس کو تقریباً 200کروڑ روپئے کی لاگت سے تیار کیا جائے گا۔ بحری فوج کے اس منصوبہ کو ریاستی حکومت کے اشتراک سے مکمل کیا جائے گا۔ سویل ٹرمینل کی تعمیراور دیگر سہولتیں ریاستی حکومت اور انڈین ائیرپورٹ اتھاریٹی کے اشتراک سے تشکیل پانے والی کمپنی کے توسط سے انجام دی جائیں گی۔