عاشق سے ملنے ہندوستان میں داخل ہوئی پاکستانی خاتون نے قبول کیا ہندو مذہب، بچوں کے بھی نام بدلے

نئی دہلی : پب جی سے شروع ہوئی ہندوستانی نوجوان اور پاکستانی خاتون کی محبت کی کہانی میں اب ایک نیا موڑ سامنے آیا ہے۔ پاکستانی خاتون غیر قانونی طور پر ہندوستان آنے کے بعد قانونی شکنجے میں ہے اور اس دوران اس نے دعویٰ کیا کہ اس نے ہندو مذہب اختیار کر لیا ہے۔ اس نے اپنے بچوں کے نام بھی ہندو عقائد کے مطابق بدل دئے ہیں۔ پب جی سے محبت میں گرفتار ہونے کے بعد پاکستان سے ہندوستان آئی خاتون سیما حیدر نے کہا کہ اس نے ہندو مذہب اختیار کر لیا ہے اور سچن کو اپنانے کیلئے اپنی مسلمان کنیت چھوڑ دی ہے۔ خاتون نے یہ بھی دعویٰ کیا کہ اس نے اپنے نئے مذہب کے مطابق اپنے بچوں کے نام بھی بدل دئے ہیں۔ انہوں نے کہا کہ ہندوؤں اور مسلمانوں میں سیما ایک مشترکہ نام ہے اور اسی لئے سچن نے کہا کہ مجھے اپنا پہلا نام تبدیل کرنے کی ضرورت نہیں ہے۔ میں اپنے آپ کو سیما یا سیما سچن کہہ سکتی ہوں۔ ہم نے اپنے بچوں کے نام بدل کر راج، پرینکا، پری اور مُنی رکھ دیا ہے ۔