ہاتھرس معاملہ: راہل-پرینکا پہنچے متاثرہ فیملی کے گھر، گلے سے لپٹ کر رو پڑی والدہ

راہل گاندھی اور پرینکا گاندھی سے ہاتھرس متاثرہ فیملی کی طویل بات چیت ہوئی۔ ایسی خبریں سامنے آ رہی ہیں کہ جب پرینکا گاندھی متاثرہ فیملی سے ملاقات کے لیے ان کے گھر پہنچیں تو اجتماعی عصمت دری کی شکار اور بعد میں علاج کے دوران اسپتال میں موت کی نیند سونے والی معصوم لڑکی کی والدہ پھوٹ پھوٹ کر رونے لگی۔ پرینکا گاندھی سے لپٹ کر اپنا درد بیان کرنے کے بعد والدہ نے انھیں تکلیف کی پوری داستان بھی سنائی۔