اسلامیہ اينگلو اردو ہائی اسکول میں سالانہ اجلاس كاانعقاد۔ عبدالحنان ابن محمد حفیظ عسکری بنے وقار اسلامیہ کے حقدار

بھٹکل : 13 مارچ، 2022 (بھٹکلیس نیوز بیورو) انجمن حامئی مسلمین،بھٹکل کی سرپرستی میں چلنےوالا بھٹکل کا قدیم ،مشہور ومعروف اسکول، اسلامیه اينگلو اردو ہائی اسکول کا( 82)بیاسی واں سالانہ اجلاس  آج صبح عثمان حسن ہال میں منعقد ہوا۔ جس   میں سال گذشتہ کا وقار اسلامیہ ایوارڈ مفاز احمد ابن مبین احمدائیکری  کو دیا گیا تو اس سال کا ایوارڈ عبدالحنان ابن محمد حفیظ عسکری کو دیا گیا۔ اس موقع پر مہمان اعزازی جناب نویدکوبٹے(رکن انتظامی بھٹکل مسلم جماعت دبئی)نے  خطاب کرتے ہوئے کہا کہ طلباء کی کاؤنسلنگ کرکے ان کوسول سرویسز میں آگے بڑھانے کی کوشش کی جائے  جسکے لئے انہوں نے  دبئی جماعت سے بھرپور تعاون کی یقین دہانی کرائی۔ دوسر ے مہمان مولاناامین رکن الدین ندوی (امام وخطیب نورجمعہ مسجد،بھٹکل)نے خطاب کرتے ہوئے طلباء کے پروگرام پر خوشی کااظہار کیااورطلباء کواساتذہ، والدین کی خدمت کرنے کی ترغیب دی اورکہا کہ اس ادارے کی خصوصیت یہ ہے کہ یہاں سے تعلیم حاصل کرکے بڑے.بڑے علماء بنے ہیں۔مہمان خصوصی ہریش گاونکر (ڈی،ڈی،پی،ائی کاروار)نے پروگرام کی تعریف کرتے ہوئے کہاکہ آج کادور مسابقتی دور ہے،مزید کہاتعلیم حاصل کریں،ایک اچھے شہری بنیں۔ صدرجلسہ جناب صادق پلور (نائب صدردوم انجمن حامئی مسلمین،بھٹکل)نے خطاب کرتے ہوئے کہاکہ یہ خوبصورت مجلس ہے اسلئے کہ اس پروگرام کاوالدین انتظارکرتے ہیں کہ اپنے بچے ایوارڈ لیں گے اس اسکول کی تاریخ ہے اج اس کا 82 واں سالہ سالانہ جلسہ چل رہاہے اس اسکول سےسینکڑوں بچے فارغ ہوکر اچھے اچھے عہدوں پر فائز ہیں اور اپنی بھی تعلیمی دور کویادکیااور محسن قوم عثمان حسن ماسٹرصاحب کوبھی یادکیا اجلاس کا آغاز عبدالحنان ابن محمد حفیظ عسکری کی تلاوت کلام پاک و صفتین رضاابن گلاب شاہ کی نعت پاک سے جلسہ کااغاز ہوا  جسکے بعد استقبالیہ کلمات جناب عبدالواجدکولا (ھائی اسکول بورڈ سکریٹری،انجمن حامئی مسلمین)نے پیش کئے اور مہمانوں کاتعارف جناب نورمحمد (انچارج ھیڈماسٹر نوائط کالونی برانچ)نے پیش فرمایا۔ اس موقع پر اسکول و انجمن کاترانہ ارقم ڈانگی اور انکے ساتھیوں نے مترنم اواز میں پیش کیا،اس موقع پر اسکے علاوہ لٹریری(تقریری وتحریری)مقابلوں میں اول دوم سوم انعامات کے علاوہ سفلی وعلیاکے لٹریری چمپین کو بھی مہمانو کے ہاتھوں انعامات سے نوازاگیااسی کے ساتھ کھیلوں میں اول دوم سوم انعامات کے علاوہ گروپ اے،بی،سی کے چمپین کوبھی،بیسٹ اٹھیلیٹ ،سوشیل ورکر کے علاوہ اسپورٹس چیمپین اے،بی،سی کو عجائب مطیع  شبیرایوارڈ دس ہزارکی رقم نقد دی گئی. مولانااشرف صاحب معلم نے  کلمات تشکر اداکیا۔جلسہ کی نظامت اسکول کے اساتذہ جناب عبدالرشید مرزانکر وعبدالحفیظ ندوی نے انجام دیں۔ (رپورٹ: عبدالحفیظ ندوی)