کرناٹک میں اسکولوں کو کھولنے کے تعلق سے پیر کو لیا جائے گا حتمی فیصلہ : مرحلہ وار طور پر اسکولوں کے کھلنے کے امکانات

بنگلورو۔26 جون، 2021 (سالارنیوز/بھٹکلیس نیوز بیورو ) کووڈ کی وجہ سے پچھلے کئی مہینوں سے بند اسکولوں کو دوبارہ کھو لنے سے متعلق محکمہ تعلیم پیر  کے روز حتمی فیصلہ کرے گا۔ اس سلسلے میں محکمہ تعلیمات عامہ  کے دفتر میں ریاستی وزیر برائے بنیادی و ثانوی تعلیمات سریش  کمار کی صدارت میں منعقدہ اجلاس میں اکثر اضلاع کے  ڈپٹی ڈائرکٹرس کے ذریعہ اسکولس کھولنے کی گذارش کرنے کی خبر ملی ہے ۔ اس اجلاس میں اس بات پر تبصرہ ہوا  کہ اکثر طلباء اسکولوں کو آنے کا انتظار کر رہے ہیں۔ پچھلے 15 مہینوں سے بچوں نے اسکولوں کی شکل نہیں دیکھی ہے بچوں کے دماغ پر منفی اثرات ہوتے دیکھ  اسکولوں کو کھولنے کی کئی ڈپٹی ڈائرکٹروں نے سریش کمار سے درخواست کی ہے ۔ ماہرین کا کہنا تھا کہ کوڈ کی شرح اس وقت 3 فی صد سے کم ہوگئی ہے ۔ اس لئے اسکولس کھو لے جا سکتے ہیں ۔ مرحلوں میں کھولنے کا مشورہ: اس موقع پر موجود ماہرین نے اسکولوں کو مرحلہ وار کھو لنے کی تجویز پیش کی  ہے۔ ذرائع کے مطابق  پہلے مرحلہ میں 7 ویں تا 10 ویں جماعت دوسرے مرحلہ میں پانچویں تاچھٹی جماعت کے بچوں کیلئے اسکوس کھولنے کا مشورہ زیرغور ہے ۔ اسکول کھو لنے کیلئے بہت جلد رہنما خطوط جاری کئے جائیں گے ۔ جیسے بچوں کا ماسک پہنا لازمی ، اسکولوں کے اسا تذہ اور دیگر عملہ کا ویکسین لینا لازمی ہوگا ۔ اسکولوں میں بچوں کیلئے گرم پانی کا انتظام کر نا ہو گا ۔ اسکولوں کے بیت الخلاء کی مکمل پا کی صفائی کرنی ہوگی ۔صرف صحت مند بچوں کو ہی اسکول آ نے کی اجازت ہوگی ۔ اسکولوں میں ایمرجنسی کیلئے ڈاکٹر کی دستیابی ، اسکولس اور کالجس کھولنے سے متعلق مزید رہنما خطوط پر سریش کمار بروز پیر متعلقہ افسروں اور ماہرین سے صلاح مشورہ کریں گے۔