سنکی اور قاتل ہیں سعودی عرب ولی عہد شہزادہ محمد بن سلمان، سابق خفیہ چیف کا دعویٰ

سعودی عرب کے ولی عہد شہزادہ محمد بن سلمان کو ملک کے سابق انٹیلی جنس چیف سعد الجباری نے سائیکو قرار دیا ہے۔ ایک انٹرویو میں سعد الجباری نے کہا کہ 'ہم نے اس قاتل کے مظالم اور جرائم کو دیکھا ہے۔' سعد الجباری جو سعودی عرب کے محکمہ انٹیلی جنس میں نمبرپر رہ چکے ہیں، نے کہا کہ محمد بن سلمان آنے والے دنوں میں امریکہ اور دیگر ممالک کے لیے ایک بڑا چیلنج بن سکتے ہیں۔ انہوں نے دعویٰ کیا کہ ولی عہد ایک قاتل ہے۔ انہوں نے یہ بات امریکی صدر جو بائیڈن کے سعودی عرب دورہ سے چند روز قبل سی بی ایس نیوز کو دیے گئے انٹرویو میں کہیں۔ "وہ ہمدردی کے بغیر ایک نفسیاتی مریض ہے۔ جذبات محسوس نہیں کرتا۔ اس نے اپنے تجربے سے کبھی سبق نہیں سیکھا۔