Second Socio-Educational survey by Karnataka Backward Classes Commission to begin on September 22

بھٹکل : 06 ستمبر،2025 (بھٹکلیس نیوز بیورو) حکومت کرناٹک کے حالیہ فیصلہ کے تحت کرنا ٹک اسٹیٹ پسماندہ طبقات کمیشن کی جانب سے ریاست کے تمام عوام کے سماجی ، معاشی و تعلیمی سروے کی کارروائی شروع کی گئی ہے۔ جس کے تحت الیکٹرک ڈپارٹمینٹ (HESCOM) کی طرف سے گھروں کی فہرست (HOUSE LISTING) کا کام جاری ہے۔ اس سلسلہ میں مقامی ہی کام کا عملہ گھر گھر جا کر اسٹیکر چسپاں کر رہا ہے جس میں ہر گھر کے لئے ایک مختص آئی ڈی دی جا رہی ہے۔ اس کے بعد متعلقہ عملہ کے افراد گھر گھر جا کر سروے سے متعلق ضروری معلومات حاصل کریں گے

اس تعلق سے مجلس اصلاح و تنظیم نے عوام الناس سے گزارش  کی ہے کہ  وہ الیکٹرک ڈپارٹمینٹ کے عملہ کو اپنے مکانوں کی دیواروں پر اسٹیکر چسپاں کرنے دیں  اور ان اسٹیکروں کو نہ نکالیں ۔ اور آئندہ سروے کے لئے آنے والے افراد کو درست معلومات فراہم کرتے ہوئے ان کا تعاؤن  کریں تا کہ سروے کو کامیاب بنایا جا سکے۔

معلومات کے کے مطابق سروے کی کارروائی 22 ستمبر سے شروع ہوگی ۔ اس سے قبل اس سلسلہ میں ضروری معلومات و ہدایات مجلس اصلاح و تنظیم کی طرف سے آئندہ دی جائے گی۔