گجرات اسمبلی انتخاب کے پیش نظر بی جے پی کی بڑی پیش قدمی، یکساں سول کوڈ نافذ کرنے کے لیے کمیٹی ہوگی تشکیل

قابل ذکر ہے کہ اسی ماہ کے شروع میں مرکزی حکومت نے بھی یکساں سول کوڈ نافذ کرنے کو لے کر سپریم کورٹ میں حلف نامہ داخل کیا تھا۔ اس میں کہا گیا تھا کہ مرکزی حکومت پارلیمنٹ کو یکساں سول کوڈ پر کوئی قانون بنانے یا اسے نافذ کرنے کی ہدایت نہیں دے سکتا ہے۔ سینئر وکیل اشونی اپادھیائے کی طرف سے ایک عرضی داخل کی تھی جس میں جانشینی، وراثت، گود لینے، شادی، طلاق، رکھ رکھاؤ اور گزارہ بھتہ کو ریگولیٹ کرنے والے نجی قوانین میں یکسانیت کا مطالبہ کیا گیا تھا۔ مرکزی حکومت نے اسی عرضی کے جواب میں حلف نامہ داخل کیا تھا۔