سابق وزیراعلیٰ جگدیش شیٹر نے بی جے پی سے دیا استعفیٰ، ٹکٹ نہ ملنے سے تھے ناراض

جگدیش شیٹر نے مزید کہا کہ آخر کار میں اس پارٹی سے استعفیٰ دوں گا جو میں نے ریاست میں بنائی تھی۔ لنگایت لیڈر نے یہ بھی الزام لگایا کہ ان کے خلاف ایک منصوبہ بند سازش رچی جارہی ہے۔

بی جے پی کے قدآور لیڈر سابق وزیراعلیٰ جگدیش شیٹر ہبلی سینٹرل سیٹ سے کئی مرتبہ ایم ایل اے رہے ہیں۔ اس مرتبہ انہیں بی جے پی نے اب تک ٹکٹ نہیں دیا ہے۔ شیٹر نے پہلے ہی بغاوتی سُر بلند کیے تھے اور حال ہی میں یہاں سے الیکشن لڑنے کا اعلان کردیا تھا۔ اس ضلع میں ابھی سات میں سے پانچ سیٹیں بی جے پی کے پاس ہیں اور دو کانگریس کے پاس ہیں۔ بی جے پی لیڈر پرہلاد جوشی کی ہبلی -دھارواڑ پارلیمانی سیٹ میں ہاویری ضلع کی شیگ گاوں سیٹ بھی آتی ہے۔ یہاں سے ریاست کے وزیراعلیٰ بسواراج بوممئی پھر سے بی جے پی کے ٹکٹ پر انتخابی میدان میں ہیں۔