حرمین شریفین میں ماہ صیام کے آخری عشرے کے دوران زائرین کے لیے خصوصی انتظامات

اس موقع پر مسجد حرام میں داخلے اور باہر نکلنے کے لیے مخصوص دروازے کھلے رکھنے کے بھی انتظامات کیے گئے ہیں۔ معذور اور خصوصی افراد کے لیے الگ سے راستے اور ٹریک مقرر ہیں۔ افطاری اور سحری کے اوقات میں معتمرین کو صحن مطاف، مسجد حرام کے صحن اور دیگر مقامات پر آب زم زم کی بوتلیں فراہم کی جائیں‌ گی۔

مسجد حرام میں نمازیوں اور معتمرین کی سہولت کے لیے ٹیکنیکل اینڈ سروسز ایجنسی نے دوسرے ریاستی اداروں بالخصوص سکیورٹی اداروں اور محکمہ صحت کے ساتھ مل کر مشترکہ ایکشن پلان تیار کیا ہے۔ وبا کے پیش نظر رمضان المبارک کے آخری عشرے میں زائرین اور نمازیوں کی صحت کو یقینی بنانے کے لیے ایس او پیز پر سختی کے ساتھ عمل درآمد کرایا جائے گا۔

حرمین شریفین کے انتظامی امور کے ادارے کے سربراہ الشیخ ڈاکٹر عبدالرحمان السدیس نے ایک بیان میں تمام ذیلی ایجنسیوں کو تاکید کی ہے کہ وہ رمضان المبارک کے آخری عشرے میں حرم مکی میں آنے والے نمازیوں اور زائرین کو ہر ممکن سہولت فراہم کریں‌ تاکہ وہ ماہ مقصد میں عمرہ کی ادائی کے ساتھ دیگر عبادت کو آسانی اور سکون کے ساتھ ادا کر سکیں۔