کیاہندوستان میں رمضان کےقریب کوروناکی نئی لہرآئی گے؟ دیگرممالک میں کووڈکیسوں کےپیش نظرریاستوں کو الرٹ رہنے کا مشورہ

جمعہ 18 مارچ 2022 کے روز ہندوستان میں عالمی وبا کورونا وائرس  کے صرف 2,500 تازہ کیسز ریکارڈ کیے گئے ہیں۔ اب جب کہ ہندوستان اومی کرون  ویرینٹ سے چلنے والی تیسری لہر سے گزر چکا ہے، لیکن کورونا کا خطرہ اب بھی منڈلا رہا ہے۔ ماہرین صحت کی جانب سے ملک کی مضبوط ویکسینیشن مہم اور کورونا کے خلاف بروقت اقدامات سے کورونا کیسوں کو کنٹرول کرنے کی کوشش جاری ہے۔ ہندوستان میں کورونا کی دوسری لہر کے تباہ کن موڑ کو روکنے کے ساتھ اب ایک اور لہر آسکتی ہے، کیونکہ دنیا کے مختلف خطوں میں انفیکشن میں اضافہ دیکھا جا رہا ہے۔ ہولی تہوار کے موسم اور رمضان المبارک کی آمد سے پہلے ہی کئی ریاستوں میں اس طرح کے پھیلاؤ کے خلاف انتباہ کرنے کے لئے مرکزی وزات صحت کے سکریٹری راجیش بھوشن نے خط لکھا ہے۔ دریں اثنا رمضان المبارک سے قبل کووڈ۔19 کے کیسوں میں عالمی سطح پر اضافہ ظاہر کرنے والے اعداد و شمار ایک بہت بڑے مسئلے کی پیش گوئی کر سکتے ہیں۔ اس کے برعکس کچھ ممالک ٹیسٹنگ کی شرح میں کمی کی اطلاع دے رہے ہیں۔ عالمی ادارۂ صحت (WHO) ڈبلیو ایچ او نے حال ہی میں خبردار کیا کہ دنیا کے تمام ملکوں کو وائرس کے خلاف چوکنا رہنے کی ضرورت ہے۔ ایک ماہ سے زیادہ کمی کے بعد ڈبلیو ایچ او کے مطابق گزشتہ ہفتے دنیا بھر میں کووڈ-19 کے کیسز بڑھنے لگے۔