راہل گاندھی پر جھوٹے پوسٹ کر قانونی شکنجے میں پھنسے بی جے پی لیڈر امت مالویہ، بینگلورو میں ایف آئی آر درج

دراصل امت مالویہ نے گزشتہ 17 جون کو اپنے آفیشیل اکاؤنٹ سے ایک انیمیٹڈ ویڈیو پوسٹ کیا تھا۔ الزام ہے کہ مالویہ نے راہل گاندھی کے بارے میں تبصرہ کرتے ہوئے کہا تھا کہ ’’وہ خطرناک گیم کھیل رہے ہیں۔ ہندوستان مخالف راگ الاپ رہے راہل گاندھی بیرون ممالک میں ہندوستان کو بدنام کرنے میں کوئی کسر نہیں چھوڑ رہے۔‘‘ اس ویڈیو میں یہ دعویٰ کیا گیا ہے کہ کانگریس پارٹی ملک مخالف سرگرمیوں میں ملوث ہے اور جب بھی راہل گاندھی بیرون ملک جاتے ہیں تو ملک مخالف سرگرمیوں میں شامل ہوتے ہیں۔ ویڈیو میں یہ بھی دکھایا گیا ہے کہ کانگریس اور راہل گاندھی ملک کو توڑ رہے ہیں۔