متحدہ عرب امارات میں پاسپورٹ پر ایک نام والے افراد کے داخلے پر پابندی! آخر کیا ہے وجہ؟

ایسے افراد جن کے پاسپورٹ میں صرف ایک نام یا کنیت ہے یا ان کے پاسپورٹ میں ادھورا نام دیا گیا ہے انہیں متحدہ عرب امارات (یو اے ای) میں داخل ہونے کی اجازت نہیں دی جائے گی۔ اس سلسلے میں نئے رہنما اصول وضع کیے جائیں گے۔ ایئر انڈیا اور ایئر انڈیا ایکسپریس کی طرف سے جاری کردہ سرکلر کے مطابق کسی بھی پاسپورٹ ہولڈر کو کنیت یا دیے گئے نام میں ایک ہی نام (لفظ) کے ساتھ متحدہ عرب امارات کی امیگریشن قبول نہیں کرے گی۔ متحدہ عرب امارات کی تازہ ترین ہدایات کے مطابق ایسے مسافر کو آئی این اے ڈی (INAD) سمجھا جائے گا۔ آئی این اے ڈی سے مراد ناقابل قبول ڈیپورٹی ہے۔ سرکلر کے مطابق مورخہ 21 نومبر سے ایسے مسافروں کو ویزا جاری نہیں کیا جائے گا اور اگر ویزا پہلے جاری کیا گیا تھا، تو اسے امیگریشن حکام کے ذریعہ انھیں آئی این اے ڈی سمجھا جائے گا۔ گائیڈ لائنز نافذ ہو گئی ہیں۔