بی جے پی نے گجرات کارپوریشن الیکشن سے قبل چھیڑا ’ لو جہاد قانون ‘ کا راگ

نائب وزیر اعلیٰ نے ملک میں ہندو خواتین پر منڈلا رہے خطرات کا تذکرہ کرتے ہوئے کہا کہ بی جے پی حکومت آنے کے بعد ہی ان کی سیکورٹی یقینی ہو پائی ہے۔ انھوں نے کہا کہ ’’دیگر مذاہب کے لوگ اپنا نام بدل کر ہماری بیٹیوں کو گمراہ کرتے ہیں اور پھر انھیں لے جاتے ہیں۔ بدقسمتی سے ہماری بیٹیاں ان کے جال میں پھنس جاتی ہیں اور اپنا مذہب بدل کر ان سے شادی کر لیتی ہیں۔‘‘ نتن پٹیل نے آگے کہا کہ ’’ایسے لوگوں پر لگام لگانے کے لیے ہی بی جے پی حکومت آنے والے اسمبلی اجلاس میں لو جہاد پر قانون لانے کے لیے سنجیدگی کے ساتھ منصوبہ بنا رہی ہے۔‘‘