بڑی خبر : وزیر داخلہ امت شاہ بھی کورونا کی لپیٹ میں: رپورٹ آئی پوزیٹیو

نئی دہلی : 2 اگست،20 (ذرائع) مرکزی وزیر داخلہ امیت شاہ کی رپورٹ آج اتوار کی شام کورونا پوزیٹیو آئی ہے جس کے بعد ڈاکٹروں کے مشورے سے انہیں اسپتال میں بھرتی کیا گیا ہے۔ وزیر داخلہ نے اپنے ٹوئٹر اکاؤنٹ پر اس کی اطلاع دیتے ہوئے لکھا ہے کہ " میں نے کورونا کی ابتدائی علامات کو دیکھتے ہوئے اپنی جانچ کروائی تھی جس کے بعد میری رپورٹ پوزیٹیو آئی ہے۔ میری طبیعت بالکل ٹھیک ہے لیکن ڈاکٹروں کے مشورے پر اسپتال میں بھرتی ہورہا ہوں۔ جو بھی اس دوران میرے رابطہ میں آئے ہیں وہ خود کو الگ تھلگ کرکے اپنی کورونا جانچ کروائیں"۔  

कोरोना के शुरूआती लक्षण दिखने पर मैंने टेस्ट करवाया और रिपोर्ट पॉजिटिव आई है। मेरी तबीयत ठीक है परन्तु डॉक्टर्स की सलाह पर अस्पताल में भर्ती हो रहा हूँ। मेरा अनुरोध है कि आप में से जो भी लोग गत कुछ दिनों में मेरे संपर्क में आयें हैं, कृपया स्वयं को आइसोलेट कर अपनी जाँच करवाएं।

— Amit Shah (@AmitShah) August 2, 2020

وزیر داخلہ امت شاہ کے کورونا پازیٹیو پائے جانے کی خبر آنے کے بعد لوگ ان کی صحتیابی کے لئے دعائیں کر رہے ہیں۔ واضح رہے کہ وزیر داخلہ امت شاہ نے ہفتہ کو ہی لوکمانیہ بال گنگا دھرتلک کی 100 ویں برسی پر منعقدہ ایک بین الاقوامی تقریب کو خطاب کیا تھا۔