روس کی سرکاری میڈیا کا دعوی، بیلاروس میں امن مذاکرات کیلئے تیار ہوا یوکرین

وہیں دوسری طرف یوکرین نے اتوار کو روس کے خلاف انٹرنیشنل کورٹ آف جسٹس ( آئی سی جے ) کا دروازہ کھٹکھٹایا ہے اور یوکرین کے خلاف اس کی کارروائی کیلئے روس کو جوابدہ ٹھہرایا ہے ۔ یوکرین کے صدر وولوڈیمیر زیلینسکی نے ٹویٹ کیا کہ روس کو جارحیت کو صحیح ٹھہرانے کیلئے قتل عام کے تصور میں ہیر پھیر کیلئے جوابدہ ٹھہرانا چاہئے ۔ ہم روس کو اب فوجی سرگرمی بند کرنے کا حکم دینے والے ایک فوری فیصلہ کی اپیل کرتے ہیں اور اگلے ہفتہ سے اس کے شروع ہونے کی امید کرتے ہیں ۔ اس سے پہلے صدر زیلینسکی نے کہا تھا کہ ان کے ملک پر حملہ کی وجہ سے روس کو اقوام متحدہ سیکورٹی کونسل سے باہر کردیا جانا چاہئے ۔ زیلینسکی نے اتوار کو ایک ویڈیو پیغام میں کہا کہ یوکرین پر روس کا حملہ قتل عام کی سمت میں اٹھایا گیا قدم ہے ۔ انہوں نے کہا کہ روس نے برائی کا راستہ اختیار کیا ہے اور دنیا کو اس کو اقوام متحدہ سیکورٹی کونسل سے باہر کردینا چاہئے ۔ روس سیکورٹی کونسل کے پانچ مستقل اراکین میں سے ایک ہے ، جس کی وجہ سے اس کے پاس تجاویز کو ویٹو کرنے کی طاقت ہے ۔