کوزی کوڈ ہوائی اڈے پر N-95ماسک میں سونا اسمگل کرتے ہوئے ایک بھٹکلی شخص گرفتار

کوزی کوڈ: 30 ستمبر، 20 (ذرائع) کوزی کوڈ بین الاقوامی ہوائی اڈے پر آج بھٹکل کا ایک شخص دو لاکھ کی مالیت کا 40 گرام سونا اسمگل کرنے کے دوران گرفتار ہوا ہے۔ بتایا گیا ہے کہ یہ شخص دبئی سے کوزی کوڈ پہنچا تھا اور اس نے N95 ماسک میں سونا چھپا رکھا تھا۔ خیال رہے کہ کالی کٹ اور تری ونت پورم کے ہوائی اڈوں میں آئے دن اس طرح کے معاملات سامنے آتے رہتے ہیں۔ اس سے پہلے ستمبر میں سعودی عربیہ سے لوٹ رہے ایک شخص کو ائیرپورٹ انتظامیہ نے گرفتار کیا تھا جو پریشر کوکر میں چالیس لاکھ کی مالیت کا سونا چھپا کر لارہا تھا جس کے دو دن بعد ہی کری پور ہوائی اڈے پر ایک کلو سونا ضبط کیا گیا تھا۔  

Covid-19 innovations. Air Intelligence Unit , Calicut, has nabbed a passenger who had concealed 40 grams gold inside his N-95 face mask pic.twitter.com/9f2MKgIuMh

— bhavatosh singh (@bhavatoshsingh) September 29, 2020

ائیر پورٹ انتظامیہ کے مطابق کورونا مہاماری کے بعد دی گئی چھوٹ کے دوران اس طرح کے معاملات زیادہ دیکھنے میں آرہے ہیں جس کے بعد سے جانچ میں سختی برتی جارہی ہے۔