ہندوستان سیمی فائنل میں ہارا، اب انگلینڈ اور پاکستان کے درمیان ہوگا فائنل

نئی دہلی : انگلینڈ نے سیمی فائنل میں ہندوستان کو 10 وکٹوں سے شکست دے کر فائنل میں اپنی جگہ بنالی ، جہاں اس کا مقابلہ پاکستان سے ہوگا۔ فائنل 13 نومبر کو کھیلا جائے گا۔ ٹیم انڈیا نے ہاردک پانڈیا (63) اور وراٹ کوہلی (50) کی اننگز کی بدولت مقررہ 20 اوورز میں چھ وکٹ کے نقصان پر 168 رنز بنائے۔ ہدف کے تعاقب میں جوس بٹلر(80) اور الیکس ہیلس (86) کی شاندار اور طوفانی اننگز کی بدولت انگلش ٹیم نے 16 اوورز میں بغیر کسی نقصان کے 170 رنز بنالئے۔ اس سے پہلے ٹیم انڈیا نے انگلینڈ کے سامنے جیت کے لیے 169 رنز کا ہدف رکھا ۔ ٹیم انڈیا نے ہاردک پانڈیا (63) اور وراٹ کوہلی (50) کی اننگز کی بدولت مقررہ 20 اوورز میں چھ وکٹ کے نقصان پر 168 رنز بنائے۔ انگلینڈ کی جانب سے کرس جارڈن نے تین جبکہ کرس ووکس اور عادل رشید نے ایک ایک وکٹ حاصل کی۔