:کورونا کے بڑھتے کیسیز کے بعد حرکت میں آئی وزارت صحت، کیرلا، دہلی اور کرناٹک کو دئیے احکامات

نئی دہلی: ملک میں کورونا مسلسل بڑھ رہے کیسز کو دیکھتے ہوئے وزارت صحت حرکت میں آگئی ہے۔ آج کورونا کے نئے کیسز کی تعداد 7200 سے تجاوز کر گئی۔ اس کے پیش نظر مرکزی حکومت اب حرکت میں آگئی ہے۔ اس کے پیش نظر مرکزی وزارت صحت نے مہاراشٹر، کیرالہ، دہلی اور کرناٹک میں کورونا کی صورتحال پر قریب سے نگرانی شروع کر دی ہے۔ وزارت نے تمام ریاستوں سے کہا ہے کہ وہ پانچ جہتی حکمت عملی پر عمل کریں، یعنی ٹیسٹ-ٹریک-ٹریٹ-ویکسینیشن اور کوویڈ جیسے مناسب طریقوں پر عمل کریں۔ کورونا وبا کو لے کر ابھی سکون کا سانس ہی لیا تھا کہ ملک میں ایک بار پھر کورونا انفیکشن کے کیسز میں تیزی نظر آنے لگی ہے۔ ہندوستان میں کورونا وائرس کے انفیکشن کے کیسز میں تیزی سے اضافہ ہورہا ہے۔ گزشتہ 24 گھنٹوں میں کورونا کیسز میں 40 فیصد کا اضافہ ہوا ہے۔ وزارت صحت کی جانب سے آج صبح جاری کردہ اعداد و شمار میں بتایا گیا کہ کورونا انفیکشن کے 7240 کیسز درج کیے گئے ہیں۔ اس کے پیش نظر وزارت صحت نے آج ایک نیا نوٹیفکیشن جاری کیا ہے۔ انڈین کونسل آف میڈیکل ریسرچ (آئی سی ایم آر) کے مطابق بدھ کو ہندوستان میں کورونا وائرس کے 3,40,615 نمونے ٹیسٹ کیے گئے، کل تک مجموعی طور پر 85,38,63,238 نمونے ٹیسٹ کیے جا چکے ہیں ملک میں انفیکشن سے سب سے زیادہ متاثر ہونے والی ریاستوں میں مہاراشٹر اور کیرالہ شامل ہیں۔ یہاں ایک بار پھر کورونا وائرس کا انفیکشن بہت تیزی سے پھیل رہا ہے۔ وزارت صحت کے اعداد و شمار کے مطابق، مہاراشٹر میں سب سے زیادہ 1,881 کیس درج ہوئے ہیں۔ یہ 18 فروری کے بعد ریاست میں ایک دن میں پائے جانے والے کیسز کی سب سے زیادہ تعداد ہے۔