تنظیم ٹیمپو چالؤنچا سبب مناسب ڈرائیورے ملتے ناہی ؛ ذمہ دار

تنظیم ٹیمپو چالؤنچا سبب مناسب ڈرائیورے مہیا ناہی ؛ ذمہ دار بھٹکلیس نیوز / 17 جنوری، 13 بھٹکل / (رضوان گنگاولی) دیگر سواریا مقابلہ بتر بھلی کم  بھاڑے گھینون غریب عواما چی کئی ورسا ٹکون خدمت کرتے اسلّی تنظیم ٹیمپو دون تین ماس ٹکون اپلے توڑ داخڑے ناتون نکون واٹے بلون بھٹکلی عواما توڑین اکثر شکایات ائیکو ملتے اشے انی ہیجے باعث باؤڑے غریب عوام کئی کلو میٹر دھور سر چمخون وسوچار مجبور واٹیت ، ہی ساھو شکایات ایکون جیتاں تنظیم ٹیمپو چے ایک ذمہ دار فرد سرین ملاقات کرون گیلی ترین تیں سانگلے کہ  "امکاک کوں ہیجو احساس اشے کہ ٹیمپو دون ماس ٹکون اپلی سرویس دیتے ناہی امیں کوں غریب عواما چی پریشانی محسوس کرتے واٹیت انی ٹیمپو چالؤنچان امیوں سراسر نقصان بتر واٹیت لیکن عواما چے فائدہ سبب شروع کرون گیلّی ہی سرویس امیوں نقصان بتر رہاؤن کوں جاری دھرؤتلے یہانسبب کہ امیوں ہیکاک کمؤنچا سبب نھوئیں بلکہ خدمت سبب بلون گھاٹلاہا ، امکا بھلی اہم مشکل ہی اشے کہ امکاک ڈرائیور ڈھنگا چی ملتے ناہی ، کونتو ڈرائیور ملتا ترین کوں تو ایک ماس کرتا انی گاڑی خراب کرون یا سوڑون وتا ، ہیں سلسلات رابطہ بتر کوں کئی ایک میٹنگو منعقد کرون گیلیتے انی مزید دون ٹیمپو گھالوچے سلسلات کوں غور کرتے واٹیت ، ہیں قوما چے رخت پانی کیلّے دوڑ اشے انشاءاللہ ہی ٹیمپو بھلی دکن چالو زاتلی بلون امید اشے ۔ ، خیال رہاؤ کہ بھٹکلے تنظیم ٹیمپو ناوین دون ٹیمپو اپلی سرویس دیتی وھتی ہیجیت ایک ٹیمپو تین ماس ٹکون انی بجی ایک تقریباً دیڑھ ماس ٹکون بند اشے ، مقامی عوام چو خیال اشے کہ بھٹکلے اسلی بھلی سا ادارے انی اسکولس اشے جے کونات بھلی سا ڈرائیورے خدمات انجام دیتات لیکن تنظیم ٹیمپو سبب ڈرائیورے کھیکا ٹکون رہاناہی بلون ولخو پڑے ناہی ، کا تنظیم ٹیمپو چی سرویس بند زاؤنکاز بلون ہیجے پاٹیر کونیو کوں سازش کرتے واٹیت ؟ عواما چو خیال اشے کہ اگر دون نکّی ڈرائیورا دھرؤن تینکاک گھٹ پگار دیؤن بجی ایک ڈائی ہی سرویس بلا ناغہ جاری کرون گیلے ترین بھٹکلی عواما چے بھلے کوں زاتلے انی عواما چی دعا باعث ٹیمپو چی سرویس مہیا کرتلانچے کوں نکّے زاتلے ۔