اذان کے لئے مسجدوں میں لاؤڈ اسپیکر کا استعمال ’بنیادی حق‘ نہیں، تنازعہ کے درمیان الہ آباد ہائی کورٹ کا فیصلہ

عرضی میں ہائیکورٹ سے استعدا کی گئی کہ لاؤڈ سپیکر بجانے کی اجازت بنیادی حق کے تحت دی جانی چاہئے۔ بدھ کے روز جسٹس وویک کمار برلا اور جسٹس وکاس کی ڈویژن بنچ میں سماعت ہوئی۔ عدالت نے درخواست مسترد کرتے ہوئے کہا کہ مسجد میں اذان کے لیے لاؤڈ اسپیکر کا استعمال بنیادی حق میں نہیں آتا۔ لاؤڈ اسپیکر کی اجازت کے لیے کوئی اور ٹھوس بنیاد نہیں دی گئی ہے۔ عدالت نے اس معاملے میں مداخلت کرنے سے انکار کر دیا۔ اس کے ساتھ ہی عدالت نے عرضی میں کیے گئے مطالبے کو غلط قرار دیا۔

خیال رہے کہ کہ مہاراشٹر نو نرمان سینا (ایم این ایس) کے صدر راج ٹھاکرے نے مذہبی مقامات سے لاؤڈ اسپیکر ہٹانے کا مطالبہ کیا تھا۔ ایم این ایس سربراہ نے دھمکی دی تھی کہ جب تک لاؤڈ اسپیکر کے ذریعے اذان دی جائے گی، اس وقت تک مسجدوں کے سامنے لاؤڈ اسپیکر پر ہنومان چالیس بجائی جائے گی۔ انہوں نے احتجاج جاری رکھنے کا انتباہ دیا تھا۔