منگلورو میں بم دھماکہ پر کرناٹک کے وزیراعلیٰ نے کہا-مشتبہ افراد کاتھا دہشت گردوں سے تعلق، کوئمبتور دھماکہ سے بھی لنک

کرناٹک کے وزیراعلیٰ بسوراج بوممئی نے اتوار کو کہا کہ منگلورو میں مبینہ طور پر بم دھماکہ کرنے والے مشتبہ کے دہشت گردوں سے تعلق تھے کیونکہ وہ پڑوسی ریاست تمل ناڈو میں کوئمبتور سمیت مختلف مقامات کا سفر کرچکا تھا۔ وزیراعلیٰ نے یہاں صحافیوں سے بات کرتے ہوئے کہا کہ ابتدائی اطلاعات کے مطابق یہ ایل ای ڈی سے جڑا االہ ہے۔ پولیس تھانے کے پاس ایک آٹو رکشا میں سنیچر شام کو دھماکہ ہوا، جس میں مسافر اور سواری زخمی ہوگئے۔ دونوں کو اسپتال میں بھرتی کرایا گیا ہے۔ آٹورکشا کے انٹیرئیر کو پہنچا بری طرح نقصان پولیس ذرائع کے مطابق، دھماکہ کے لیے ڈیٹونیٹر، تار اور بیٹری سے لیس کوکر کا استعمال کیا گیا۔ دھماکہ کے بعد آٹو رکشا کا انٹیرئیر بری طرح تباہ ہوگیا۔ بوممئی نے کہا کہ جب مشتبہ ملزم کی گزشتہ زندگی کا جائزہ لیا گیا، تو یہ واضح ہوگیا کہ موقع سے ملے آدھار کارڈ میں نام اس شخص سے الگ تھا، جو اسے لے جارہا تھا۔ مشتبہ کے پاس ڈوپلیکیٹ آدھار کارڈ تھا۔ اس میں ہبلی کا پتہ تھا۔ وزیراعلیٰ نے کہا کہ جب پولیس نے مشتبہ کے پتہ اور اس کے ٹھہرنے کے مقام کا پتہ لگایا تو مزید جانکاری سامنے آئی۔