بی جے پی رکن پارلیمنٹ گری راج سنگھ کے متنازعہ بیان پر ہنگامہ

للن کمار نے کہا کہ اقتدار کے نشے میں چور گیری راج سنگھ کو جمہوریت اور جمہوری نظام میں بھی یقین نہیں رہ گیا ہے۔ یہ پہلی بار نہیں ہے جب انہوں نے اس طرح کا غیر ذمہ دارانہ بیان دیا ہے بلکہ کئی مرتبہ آئین کے وقار کو زک پہنچائی ہے۔ انہوں نے کہا کہ باوجود اس کے وزیراعظم نریندر مودی انہیں اپنی کابینہ میں برقرا ر رکھے ہوئے ہیں۔ ان کے بیان سے لگتا ہے کہ ریاست میں قانون کا راج ختم ہو گیا ہے اس لئے افسران کو ڈرایا۔ دھمکایا جا رہا ہے۔ کانگریس کا مطالبہ ہے کہ غیر آئینی بیان دینے والے گیری راج سنگھ کے خلاف معاملہ درج کر کے انہیں گرفتار کیا جائے۔