فلائٹ کے بعد ابIGI ایئرپورٹ پر پیشاب، کھلے میں ہلکا ہو رہا تھا شخص، ٹوکا تو کر نے لگا یہ کام

نئی دہلی: ایئر انڈیا فلائٹ میں پیشاب کرنے کا معاملہ ابھی تھما بھی نہیں تھا کہ اب آئی جی آئی ایئرپورٹ پر پیشاب کرنے کا سنسنی خیز معاملہ سامنے آیا ہے۔ دہلی کے اندرا گاندھی انٹرنیشنل ایئرپورٹ پر ایک مسافر کے کھلے میں پیشاب کرنے کا معاملہ سامنے آیا ہے۔ دیگر مسافروں کی شکایت پر پولیس نے ملزم مسافر کے خلاف آئی پی سی کی دفعہ 294 اور 510 کے تحت ایف آئی آر درج کر کے اسے گرفتار کر لیا۔ معاملہ 8 جنوری کی شام کا بتایا جا رہا ہے۔ دراصل 8 جنوری کی شام تقریباً 5:30 بجے روانگی کے گیٹ نمبر 6 کے پاس پولیس کو اطلاع ملی کہ ایک شخص کھلے میں پیشاب کر رہا ہے۔ شکایت کنندہ نے پولیس کو بتایا کہ پیشاب کرنے والا شخص نشے کی حالت میں لگ رہا تھا۔ اطلاع ملتے ہی دہلی پولیس اور سی آئی ایس ایف کی ٹیم موقع پر پہنچی اور ملزم کو پکڑ لیا۔