گیانواپی-شرنگار گوری کیس میں الٰہ آباد ہائی کورٹ نے مسلم فریق کو دیا جھٹکا، مستقل پوجا کے لیے چلے گا کیس

واضح رہے کہ شرنگار گوری کیس میں ہندو فریق راکھی سنگھ اور دیگر 9 اشخاص کے ذریعہ وارانسی کی عدالت میں سول سوٹ داخل کیا گیا تھا۔ اس مقدمہ میں وارانسی کے ضلع جج کی عدالت نے 12 ستمبر کو فیصلہ سنایا تھا جو کہ مسجد انتظامیہ کمیٹی کے  خلاف گیا تھا۔ عدالت میں عرضی داخل کرنے والی 5 خواتین سمیت 10 لوگوں کو فریق بنایا گیا تھا۔ وارانسی کے ضلع جج کی عدالت نے مسلم فریق کے ذریعہ داخل کردہ اعتراض کو خارج کر دیا تھا۔ عدالت میں مسلم فریق نے دلیل دی تھی کہ 1991 کے ’پلیسز آف وَرشپ ایکٹ‘ اور 1995 کے سنٹرل وقف ایکٹ کے تحت سول سوٹ قابل قبول نہیں ہے۔ لیکن ضلع جج نے فیصلہ ہندو فریق کے حق میں سنایا تھا۔ اسی فیصلہ کو مسجد کمیٹی نے الٰہ آباد ہائی کورٹ میں چیلنج کیا تھا، لیکن کوئی فائدہ نہیں ہوا۔