دہلی میں منکی پاکس کے پہلے معاملہ کی تصدیق کے بعد کیجریوال کی اپیل، ایل این جے پی میں اسپیشل وارڈ قائم

نئی دہلی: دہلی میں منکی پاکس کا پہلا معاملہ سامنے آنے کے بعد لوگوں میں خوف کا ماحول ہے۔ یہ ملک میں اس بیماری کا چوتھا معاملہ ہے۔ دہلی میں منکی پاکس کے معاملہ کی تصدیق کے بعد وزیر اعلیٰ اروند کیجریوال نے اپیل جاری کرتے لوگوں ہوئے کہا کہ گھبرائیں نہیں، حالات قابو میں ہیں۔

دہلی کے معاملہ کی اطلاع دیتے ہوئے وزیر اعلیٰ اروند کیجریوال نے کہا کہ مریض کی حالت مستحکم ہے اور وہ صحت یاب ہو رہا ہے۔ گھبرانے کی ضرورت نہیں ہے اور صورتحال قابو میں ہے۔ وزیر اعلیٰ کیجریوال نے مزید کہا ’’ہم نے ایل این جے پی میں علیحدہ آئسولیشن وارڈ قائم کر دیا ہے۔ منکی پاکس کو دہلی والوں میں پھیلنے سے روکنے اور اس کی حفاظت کے لیے ہماری بہترین ٹیم موجود ہے۔‘‘

خیال رہے کہ دہلی میں جس شخص میں منکی پاکس کا وائرس پایا گیا ہے وہ ؎ہماچل پردیش سے واپس آیا ہے، جہاں اس نے اسٹیج پارٹی میں شرکت کی تھی۔ جس کے بعد اسے بخار ہوا اور آہستہ آہستہ اس میں منکی پاکس کی علامات ظاہر ہونے لگیں۔ بتایا جا رہا ہے کہ مریض کو دہلی کے ایل این جے پی ہسپتال میں داخل کرایا گیا ہے۔