بی ایم جے منطقہ شرقیہ کے نئے عہدیداران کا انتخاب: فاروق پیرزادے بنے صدر تو مولانا تنویر کو بنایا گیا جنرل سکریٹری

دمام :  یکم فروری ، 2022 (بھٹکلیس نیوز بیورو) بھٹکل مسلم جماعت منطقہ شرقیہ کی انتظامیہ میٹنگ گزشتہ شب منعقد ہوئی جس میں  جماعت کی آئندہ میعاد کے لیے مختلف عہدیداران کا انتخاب عمل میں آیا۔ الیکشن کمشنر سرفراز جاکٹی  کے مطابق  جناب سید فاروق پیرزادے صاحب کو  صدر منتخب کیا گیا تو جنرل سکریٹری کے عہدے کے لیے جناب مولانا تنویر احمد جوشیدی کا انتخاب عمل میں آیا۔ اس کے علاوہ جناب ارشد کاڑلی صاحب کو نائب صدر اول اور مولانا عون گوائی صاحب کو نائب صدر دوم منتخب کیا گیا جبکہ نائب سکریٹری اول کے عہدے کے لیے  مولانا محمد شعور میگون صاحب اور معاون سکریٹری کے طور پر جناب سرفراز جاکٹی کو منتخب  کیا گیا۔محاسب کے طورپر جناب عبدالماجد ایس ایم کو چنا گیا  اور خازن کے عہدے کے لیے جناب یونس قاضیا کا انتخاب عمل میں آیا۔ ادارہ بھٹکلیس ان تمام نومنتخب عہدیدارا ن کی خدمت میں مبارکباد پیش کرتا ہے اور دعا کرتا ہے کہ اللہ تعالیٰ ان کو متحد ہوکر خلوص کے ساتھ قوم و ملت کی ترقی کے لیے کام کرنے کی توفیق عطا فرمائے۔  آمین