Government unveils new model to tighten social media rules for children

بچوں کے لیے قومی سطح پر سوشل میڈیا کے استعمال کو کنٹرول کرنے کے لیے حکومت ایک نیا طریقہ وضع کرنے پرغور کر رہی ہے۔ مکمل پابندی کے بجائے عمر کی بنیاد پر مختلف سطحوں پر ضوابط کا پابند بنانےکا منصوبہ زیر غور ہے۔ حکومت صنعت اور ماہرین سے بات چیت کر رہی ہے۔ تجاویز میں عمر کے مطابق والدین کے کنٹرول، اسکرین ٹائم کی حدمقرر کرنے، بعض فیچرزپر روک اور پلیٹ فارم کی جوابدہی میں اضافہ شامل ہے۔

عمر کی حد ابھی طے نہیں ہوئی ہے۔ بات چیت 13 سے 16 سال یا اس سے زیادہ عمر پر مرکوز ہے۔
حکام کا کہنا ہے کہ موجودہ حفاظتی اقدامات کافی نہیں ہیں۔ بچے آسانی سے عمر کی غلط معلومات درج کر کے اکاؤنٹ بنا سکتے ہیں۔ دیہی علاقوں اور غریب خاندانوں میں، ایک ہی فون اکثر ایک سے زیادہ لوگوں کے درمیان شیئر کیا جاتا ہے، جس سے عمر کی تصدیق مشکل ہو جاتی ہے۔

حکومت بچوں کو آن لائن نقصان دہ مواد سے بچانے پر توجہ مرکوز کر رہی ہے لیکن اس پر مکمل پابندی عائد کرنے کے بجائے، وہ ایک متوازن نقطہ نظر کی تلاش میں ہے۔ اس میں والدین کو مزید کنٹرول دینا، پلیٹ فارمز کو جوابدہ رکھنا، اور یوزر کے عمر کا تعین اور توثیق شامل ہو سکتا ہے۔

نئے ضوابط کے نفاذ میں مشکلات کا سامنا!
ماہرین کا کہنا ہے کہ اگر عمر کی حد 16 یا 18 سال مقرر کی جاتی ہے تو پلیٹ فارمز کو اپنی پالیسیاں تبدیل کرنا ہوں گی۔ کچھ بچوں کے لیے رازداری اور رسائی کے نقصان کا خطرہ بھی ہے۔ اس اصول کو دیہی علاقوں میں نافذ کرنا، جہاں پورے خاندان عام طور پر ایک ڈیوائس شیئرکرتے ہیں، مشکل ہو سکتا ہے۔