'God On My Side Because I'm Honest': Kejriwal First Statement After Released From Tihar Jail On Bail

دہلی کے وزیر اعلیٰ اروند کیجریوال جمعہ (13 ستمبر) کو تہاڑ جیل سے رہا ہوگئے ہیں۔ انہوں نے کہا کہ جیل سے باہر آنے کے بعد ان کے حوصلے 100 گنا بڑھ گئے ہیں۔ میں ان تمام ملک دشمن قوتوں کے خلاف لڑتا رہوں گا جو ملک کو تقسیم کرنے اور کمزور کرنے کا کام کر رہی ہیں۔

سی ایم کیجریوال نے کہا، “جن کی مہربانی سے میں آج آپ کے درمیان آیا ہوں۔ میں ان لاکھوں اور کروڑوں لوگوں کا شکریہ ادا کرنا چاہتا ہوں۔ لاکھوں لوگوں نے نیک تمنائیں کیں، دعائیں کیں، آشیرواد بھیجے، مندر گئے، جنہوں نے مسجد اور گرودوارہ گئےمیں ان تمام لوگوں کا شکریہ ادا کرنا چاہتا ہوں، جو آج اتنی بڑی تعداد میں آئے ہیں۔

میرا ہر لمحہ ملک کے لیے وقف ہے :کیجریوال
وزیر اعلیٰ اروند کیجریوال کے مزید کہا کہ میری زندگی ملک کے لیے وقف ہے۔ میری زندگی کا ہر لمحہ، میرے جسم کا ہر قطرہ، میرے خون کا ہر قطرہ وطن کے لیے وقف ہے۔ میں نے زندگی میں بہت جدوجہد کی ہے۔ زندگی میں مشکلات کا سامنا کرنا پڑا۔ لیکن خدانے ہر قدم پر میرا ساتھ دیاکیونکہ میں سچا تھا، میں صحیح تھا۔ اس لیے خدانے میرا ساتھ دیا۔ ان لوگوں نے مجھے جیل میں ڈال دیا۔ ان لوگوں کو لگا کہ اگر وہ کیجریوال کو جیل میں ڈالیں گے تو ان کے حوصلے ٹوٹ جائیں گے۔

میں ملک دشمن طاقتوں کے خلاف لڑتا رہوں گا: کیجریوال
اپنے مخالفین پر طنز کرتے ہوئے وزیراعلیٰ اروند کیجریوال نے کہا کہ میں جیل سے باہر آیا ہوں اور میرا حوصلہ سو گنا بڑھ گیا ہے۔ میری طاقت سو گنا بڑھ گئی ہے۔اس جیل کی موٹی دیواریں، جیل کی سلاخیں کیجریوال کی ہمت کو کمزور نہیں کر سکتیں۔

میں خدا سے دعا کرتا ہوں کہ جس طرح خدا نے مجھے راستہ دکھایا ہے اور آج تک مجھے طاقت دی ہے اسی طرح خدامجھے راستہ دکھاتا رہے۔ ملک کی خدمت کرتے رہیں۔ کتنی ملک دشمن قوتیں ملک کی ترقی کو روک رہی ہیں؟ وہ ملک کو تقسیم کرنے کا کام کر رہی ہے۔ میں نے ساری زندگی ملک کو اندر سے کمزور کرنے والوں کے خلاف لڑا ہے اور آئندہ بھی لڑتا رہوں گا۔