گیمبیا میں چار روز کے ہفتے کا اعلان

گیمبیا میں چار روز کے ہفتے کا اعلان گیمبیا کے صدر نے اعلان کیا ہے کہ سرکاری ملازمین ہفتے میں چار روز کام کریں گے اور اب سے جمعہ کے روز بھی چھٹی ہو گی۔ گیمبیا کے صدر یحییٰ جامع کا کہنا ہے کہ چار روز کام کرنے سے اکثریتی مسلم آبادی کو عبادت کرنے، میل جول اور کھیتوں میں کام کرنے کے لیے زیادہ وقت ملے گا۔ تاہم ناقدین کا کہنا ہے کہ صدر کے اس فیصلے سے لوگ اور زیادہ سست روی کا شکار ہو جائیں گے اور ملک کی معیشت پر مزید برا اثر پڑے گا۔