Expo 2020 Dubai: ایکسپو 2020 میں دبئی پویلین کا 1ستمبر سے ہوگا دوبارہ آغاز، جانیے داخلہ ٹکٹ کی قیمت اور اوقات کار

Expo 2020 Dubai: ایکسپو 2020 کا دبئی میں 1 اکتوبر کو دوبارہ آغاز ہونے جارہا ہے۔ ایکسپو سٹی دبئی کے افتتاح سے پہلے سیاح 1 ستمبر سے اس کے دو مقبول ترین پویلین کا تجربہ کر سکتے ہیں۔ جس میں پہلا الف دی موبلٹی پویلین (Alif – The Mobility Pavilion and Terra) اور دوسرا ٹیرا دی سسٹین ایبلٹی پویلین (Terra – The Sustainability Pavilion) شامل ہے۔ جہاں جمعرات سے سیاحوں کی آمد شروع ہو جائے گی۔ ٹکٹوں کی قیمت 50 درہم فی شخص فی پویلین ہے اور یہ شہر کی ویب سائٹ اور ایکسپو سٹی دبئی کے چار باکس آفسز پر دستیاب ہیں۔ یہاں گارڈن ان دی اسکائی (Garden in the Sky) نامی ایک گھومتا ہوا مشاہداتی ٹاور ہے، جو زائرین کو ایکسپو سائٹ سے 55 میٹر اوپر کا نظارہ کراتا ہے اور 360 ڈگری کے نظارے پیش کرتا ہے، وہ بھی 1 ستمبر کو کھلے گا۔ ہر ٹکٹ کی قیمت 30 درہم ہے۔ 12 سال اور اس سے کم عمر کے بچوں اور معذورین کے لیے مفت رہے گا۔