اشتعال انگیز تقریر معاملہ میں مزید دو سنتوں کے خلاف ایف آئی آر درج

ہردی دوار : ہری دوار میں دھرم سنسد (Haridwar Dharam Sansad) کے دوران مبینہ طور پر اشتعال انگیز تقریر کے معاملہ میں مزید دو لوگوں کے خلاف ایف آئی آر درج کی گئی ہے ۔ اتراکھنڈ کے ڈی جی پی اشوک کمار نے بتایا کہ وائرل ویڈیو کلپ کی بنیاد پر ایف آئی آر میں مزد دو ناموں کو جوڑا گیا ہے۔ انہوں نے بتایا کہ ایف آئی آر کی کاپی میں ساگر سندھو مہاراج اور یتی نرسمہانند گری کے نام بھی شامل (Two More FIR)  کئے گئے ہیں ۔ ان دونوں پر مبینہ طور پر اشتعال انگیز تقریر معاملہ میں دفعہ 295 اے لگائی گئی ہے ۔ ہری دوار میں 17 سے 20 دسمبر تک دھرم سنسد کا انعقاد کیا گیا تھا ۔ تین دنوں تک چلے دھرم سنسند میں سادھو سنتوں پر مسلمانوں کے خلاف مبینہ طور پر اشتعال انگیز تقاریر کرنے کا الزام ہے ۔ اس معاملہ میں سب سے پہلے وسیم رضوی عرف جتیندر نارائن کو نامزد کیا گیا تھا ۔ اس کے بعد سوامی دھرم داس اور سادھوی اناپورنا کے نام بھی ایف آئی میں جوڑ دئے گئے تھے ۔ اب دو اور لوگوں ساگر سندھو مہاراج اور یتی نرسمہانند گری (Narsimhanand Giri) کے نام بھی ایف آئی آر میں شامل کردئے گئے ہیں ۔